ŊWED MME PSALM 121:5 - Edisana ñwed Abasi Ibom

⁵ Jehovah edi andikpeme fi: Jehovah edi mfut fo ke ubɔk nnasia fo.

ŊWED MME PSALM 121:5 ပူးပေါင်းရင်းမြစ်များ

ŊWED MME PSALM 109:31

Koro enye eyeda eyen ubuene ke ubɔk nnasia, ete inyaŋa enye ibɔ mmɔ eke ekpede ikpe ye ukpɔŋ esie.

ŊWED MME PSALM 16:8

Mmonim Jehovah ke iso mi kpukpru ini: koro enye odude mi ke ubɔk nnasia, ndisehekede.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

EXODUS 13:21

Jehovah onyuŋ ebem mmɔ iso, ke uwemeyo ke obubit enyɔŋ ebiet adaha, ndida mmɔ usuŋ; ke okoneyo ŋko, ke ikaŋ ebiet adaha, ndiyama nnɔ mmɔ; kpaŋ mmɔ ekpesaŋa ke uwemeyo ye ke okoneyo.

ISAIAH 25:4

Koro afo edide ɔkpɔsɔŋ ebiet owo unana, ɔkpɔsɔŋ ebiet eyen ubuene ke nnanenyin esie, ubɔhɔ edim, ufuk eyo, koro oyobio mbon afai ebietde edim eke ɔbɔŋde ibibene.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.