ŊWED MME PSALM 112:4 - Edisana ñwed Abasi Ibom

⁴ Uŋwana asiaha ke ekim ɔnɔ nti owo: enye ɔfɔn ido, onyuŋ enyene esit mbɔm, onyuŋ enen.

ŊWED MME PSALM 112:4 ပူးပေါင်းရင်းမြစ်များ

ŊWED JOB 11:17

Ndien uwem fo eyeyama akan ufɔt uwemeyo;

ŊWED JOB 22:28

Afo eyeduak ŋkpɔ, ndien ŋkpɔ oro eyeda ɔnɔ fi: uŋwana eyenyuŋ ayama ke usuŋ fo.

ŊWED JOB 29:3

Ke ini utuenikaŋ esie ayamade mi ke ibuot, nnyuŋ nda uŋwana esie nsaŋa ke ekim.

ŊWED MME PSALM 106:1

MBUFO etoro Jehovah. Oh Mbufo ekɔm Jehovah; koro enye ɔfɔnde;

ŊWED MME PSALM 116:5

Jehovah ɔfɔn ido, onyuŋ enen; Abasi nnyin onyuŋ enyene esit mbɔm.

ŊWED MME PSALM 145:17

Jehovah emenen ke kpukpru usuŋ esie, onyuŋ ɔfɔn ido ke kpukpru se enye anamde.

ŊWED MME PSALM 37:6

Ndien enye eyeda eti ido fo ɔwɔrɔ nte uŋwana, ye ikpe fo nte ufɔt uwemeyo.

ŊWED MME PSALM 97:11

Emetɔ uŋwana ke isɔŋ enɔ ndinen owo, etɔ idaresit enɔ mbon esit kiet.

MME ŊKE 21:21

Owo eke etienede eti ido ye ima eyekut uwem, ye eti ido, ye ubɔŋ.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 58:10

afo ama onyuŋ osio ukpɔŋ fo ɔnɔ owo biɔŋ, onyuŋ ɔyuhɔ ukpɔŋ eke ɔtuhɔde; ndien uŋwana fo eyesiaha ke edim, mbubreyo fo eyebiet ufɔt uwem-eyo:

ISAIAH 58:8

Ndien uŋwana fo eyesiaha nte usiere, nsɔŋidem fo eyenyuŋ awara nditibe: ndien edinen ido fo eyebem fi iso; ubɔŋ Jehovah eyenyuŋ asaŋa fi ke edem.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

LUKE 6:36

Etua owo mbɔm ndien kpa nte Ete mbufo atuade owo mbɔm, Ekunyuŋ esioŋo owo ndo,

JOHN 12:46

Mmedi nte uŋwana ke ererimbot, man owo ekededi eke ɔbuɔtde idem ye ami okusuk odu ke ekim.

ŊWED MBON EPHESUS 4:32

enyuŋ efɔn ido ye kiet eken, enyuŋ enyene esit mbɔm, enyuŋ efen kiet eken, kpa nte Abasi okonyuŋ efende mbufo ke Christ.

ŊWED MBON EPHESUS 5:15

Mmɔdo etiŋ enyin ekpeme nte esaŋade: ekusaŋa nte ndisime, edi esaŋa nte mbon eti ibuot.

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;