ŊWED MME PSALM 103:8 - Edisana ñwed Abasi Ibom

⁸ Jehovah emenyene esit mbɔm ye mfɔnido, isɔpke iyaresit, ndien awak ima.

ŊWED MME PSALM 103:8 ပူးပေါင်းရင်းမြစ်များ

NEHEMIAH 9:17

inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

ŊWED MME PSALM 130:7

Israel, dori enyin ye Jehovah; koro ima odude ye Jehovah; ediwak ufak onyuŋ odu ye enye.

ŊWED MME PSALM 145:8

Jehovah enyene esit ufɔn ye mbɔm: isɔpke iyaresit, edi okpon ima.

ŊWED MME PSALM 31:20

Afo eyedip mmɔ ke ebiet udibe ke iso fo, abak odu owo: eyefuk mmɔ ke ataya, abak utɔk mme edeme.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

NAHUM 1:3

Jehovah isɔpke iyaresit, enye onyuŋ okpon odudu, edi enye idiyakke mme edue-isop ebɔhɔ: usuŋ Jehovah odu ke idio ye ke oyobio, obubit enyɔŋ onyuŋ edi obu ukot esie.

NUMBERS 14:18

kpa nte afo ɔkɔdɔhɔde ete, Jehovah isɔpke iyaresit, edi awak ima, ke efen mme ukwaŋ-ŋkpɔ ye ndudue, edi idiyakke mbon isop ebɔhɔ; ada usiene ukwaŋ-ŋkpɔ mme ete osio ye nditɔ, tutu osim ɔyɔhɔ emana ita ye inaŋ.

DEUTERONOMY 5:10

nnyuŋ mfɔn ido ye tɔsin emana mmɔ eke emade mi enyuŋ enimde mbet mi.

JAMES 5:11

Sese, nnyin idɔhɔ ite, ɔfɔfɔn ye mmɔ emi ema ebiom ukut: mbufo emokop ebaŋa ime Job, emenyuŋ ekut se Ɔbɔŋ anamde enye ke akpatre, nte Ɔbɔŋ enyenede esit mbɔm, onyuŋ atuade owo mbɔm.