ŊWED MME PSALM 103:4 - Edisana ñwed Abasi Ibom

⁴ emi afakde uwem fo osio ke udi; onyuŋ adade ima ye mbɔm ayara fi ke ibuot;

ŊWED MME PSALM 103:4 ပူးပေါင်းရင်းမြစ်များ

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

ŊWED MME PSALM 103:12

Adaŋa nte edem usiaha-utin oyomde ye edem usop, kpa ntre ke enye ɔbɔ nnyin mme idiɔk ido nnyin onim anyan ebiet.

ŊWED MME PSALM 21:3

Koro afo eyeda ata nti enɔ edi enye ke iso; eyeda anyanya eti gold ayara enye ke ibuot.

ŊWED MME PSALM 34:22

Jehovah afak ukpɔŋ ikɔt esie: ndien baba owo kiet eke eberede idem mmɔ ye enye, iduehe isop.

ŊWED MME PSALM 5:12

Koro afo, Jehovah, eyediɔŋ owo edinen ido; eyeda mfɔnido nte otu-ekɔŋ akan enye okuk.

ŊWED MME PSALM 56:13

Koro afo okosiode ukpɔŋ mi ke mkpa: nte afo udunimke ukot mi okufiɔnɔre, man nsaŋa ke iso Abasi ke uŋwana uwem?

ŊWED MME PSALM 65:11

Afo amada anyanya ufɔn fo ayara isua; mme isaŋ fo enyuŋ etɔi isek.

ŊWED MME PSALM 71:23

Mkpɔk-inua mi eyedara: koro nyekwɔ nnɔ fi, ukpɔŋ mi emi afo afakde eyenyuŋ ɔkwɔ.

ŊWED MME PSALM 8:5

Onyuŋ anam enye ekpri esisit akan mme angel, onyuŋ ada ubɔŋ ye uyai ayara enye?

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

ISAIAH 54:8

Ke ibumere iyaresit ke ŋkodip fi iso mi ini esisit; ndien nda nsinsi ima ntua fi mbɔm; Jehovah andifak fi ɔdɔhɔ.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;