ŊWED MME PSALM 103:12 - Edisana ñwed Abasi Ibom

¹² Adaŋa nte edem usiaha-utin oyomde ye edem usop, kpa ntre ke enye ɔbɔ nnyin mme idiɔk ido nnyin onim anyan ebiet.

ŊWED MME PSALM 103:12 ပူးပေါင်းရင်းမြစ်များ

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

MME HEBREW 10:2

Edieke ekpekemede, idige ekpetre ndiwa uwa adaŋemi, koro mmɔ emi etuakde ibuot enɔ Abasi ikpenyeneke aba ifiɔk idiɔk-ŋkpɔ ke esit mmɔ, sia ema ekenam mmɔ esana?

2 SAMUEL 12:13

Ndien David ɔdɔhɔ Nathan, ete, Mmanam idiɔk ido ye Jehovah. Ndien Nathan ɔdɔhɔ David, ete, Jehovah ɔmɔnyuŋ adahado ke idiɔk ido oro ɔnɔ fi; afo udukpaha.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

ISAIAH 45:6

man mmɔ efiɔk ke edem usiaha-utin, ye ke edem usop-utin, ete ke baba kiet iduhe ke mibɔhɔke ami, ami ndi Jehovah, ndien baba efen iduhe.

ŊWED MME PSALM 113:3

Ɔfɔn nte eto-rode enyiŋ Jehovah ɔtɔŋɔde ke edem usiaha-utin tutu osim ke edem usop.

ŊWED MME PSALM 50:1

ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

EZEKIEL 18:22

Iditihi mme idiɔk ido esie eke enye akanamde baba kiet inɔ enye: edinen ido esie eke enye akanamde eyesin enye odu uwem.

MICAH 7:19

Enye eyetɔŋɔ ntak atua nnyin mbɔm, eyedigi mme idiɔk ido nnyin; afo eyemen kpukpru mme ukwaŋ-ŋkpo mmɔ ɔduɔk ke udem inyaŋ.