ŊWED MME PSALM 101:5 - Edisana ñwed Abasi Ibom

⁵ Nyesibe owo eke oyuride mbɔhiduŋ esie, mfep; ndikemeke ndiyɔ owo usɔŋenyin ye eke esit iseri.

ŊWED MME PSALM 101:5 ပူးပေါင်းရင်းမြစ်များ

ŊWED MME PSALM 138:6

Koro Jehovah okoŋde, ndien enye ese mbon nsukidem; edi etie nsan-nsan ɔdiɔŋɔ mbon iseri.

ŊWED MME PSALM 15:3

Owo eke midɔkke eridɔk ke edeme esie; minyuŋ inamke ufan esie idiɔk; minyuŋ itibike ikɔ but idian mbɔhiduŋ esie.

ŊWED MME PSALM 18:27

Koro afo eyenyaŋa mbon ukut, eyenyuŋ ɔsuhɔre mmɔ eke enyin mmɔ okoŋde.

ŊWED MME PSALM 50:20

Afo etie ɔdɔhɔ adian eyen-usɔ; etiŋ ikɔ-edem adian eyen-uka.

EXODUS 20:16

Kutiŋ ubaŋa mbɔhiduŋ fo nte ntiense nsu.

EXODUS 23:1

KUTIBI nsu-nsu ikɔ: kusin ubɔk fo ye idiɔk owo man edi ntiense nnama.

MME ŊKE 10:18

Owo eke odipde usua edi owo inua nsu: ndien etiŋ ikɔ-edem onyuŋ edi ndisime.

MME ŊKE 20:19

Asaŋa mbia ayarare ikɔ idibi: kubuana ŋkpɔ, ndien, ye owo ŋkeŋ-inua.

MME ŊKE 21:4

Ntan-enyin, ye mkponesit, ye utuen-ikaŋ mme idiɔk owo emediɔk.

MME ŊKE 25:23

Ofum edere aman edim: kpa ntre ke ikɔ-edem aman mbɔp-iso.

MME ŊKE 30:13

Emana odu: ekoŋ didie enyin mmɔ! Didie ke mmɔ etan enyin!

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

EZEKIEL 22:9

Mmɔ eke esaŋade mbia man eduɔk iyip, ke edu ke ufɔt fo: mmɔ enyuŋ edia ŋkpɔ ke enyɔŋ obot ke ufɔt fo: enam oburobut ido ke ufɔt fo.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

LEVITICUS 19:16

Kusaŋa ubia mbia ke otu mbio-obio mbufo: kunyuŋ uyom iyip mbɔhiduŋ fo: ami ndi Jehovah.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

1 ŊWED CORINTH 5:11

Edi ke akpanikɔ ŋkewet nnɔ mbufo nte, Ekuduk nduk ye owo ekededi emi ekotde enye eyen-ete, emi edide owo use, mme esin esit ke ŋkpɔ owo, mme okpono ndem, mme owo idiɔk inua, mme ɔyuhɔ mmin, mme owo ŋkan-ubɔk; ekunyuŋ edia ŋkpɔ ye oruk owo oro.

1ŊWED TIMOTHY 3:11

Kpasuk ntre ŋko iban mmɔ ekpodot ukpono; mmɔ ikpedige mbon ebiari, edi ekpefara ke idem, enyuŋ enam akpanikɔ ke kpukpru usuŋ,

TITUS 2:3

Kpep ŋkani iban ŋko ete, esaŋa ke ido uteŋe, ekudi mbon ebiari, ekunyuŋ eyak mmin akan mmɔ,

1 SAMUEL 2:3

Mbufo ekukɔbɔ nditiŋ iseri-iseri; ekuyak isa-isa ikɔ ɔwɔrɔ mbufo ke inua: koro Jehovah edi Abasi ifiɔk, enye onyuŋ odomo ido