ŊWED MME PSALM 100:3 - Edisana ñwed Abasi Ibom

³ Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ŊWED MME PSALM 100:3 ပူးပေါင်းရင်းမြစ်များ

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

1 CHRONICLES 16:14

Enye edi Jehovah Abasi nnyin; mme ikpe esie edu ke ofuri ererimbot.

ŊWED JOB 10:3

Nte ɔfɔn fi ndifik, nnyuŋ mmen utom ubɔk fo nduɔk, nnyuŋ ŋwaŋa uduak mme idiɔk owo?

ŊWED MME PSALM 119:73

Ubɔk fo amanam mi, omonyuŋ obot mi: tim sian mi, nyuŋ yak mi ŋkpep mbet fo.

ŊWED MME PSALM 12:4

Eke edɔhɔde ete, Nnyin iyenam uko ke edeme nnyin: mkpɔk-inua nnyin enyene idem nnyin: anie edi ɔbɔŋ nnyin?

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

ŊWED MME PSALM 78:52

Ndien enye ada ikɔt esie usuŋ nte ufene, onyuŋ akama mmɔ nte otu erɔŋ ke wilderness.

ŊWED MME PSALM 79:13

Ndien nnyin ikɔt fo, ye ufene emi afo ɔbɔkde, iyekɔm fi ke nsinsi: iyenyuŋ itiŋ itoro fo ke ofuri emana.

ŊWED MME PSALM 95:3

Koro Jehovah edide akwa Abasi ye akwa edidem akan kpukpru mme abasi.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

ECCLESIASTES 12:1

NYUŊ ti Andibot fi ke ini afo edide akparawa, ke ini ukut mika-idige kaŋa, ke mme isua eke afo edidɔhɔde ete, “Ŋkwe inem ke esit,” mika-isimke (fi);

ISAIAH 63:11

Ndien enye eti eyo oko, Moses, ye ikɔt esie: “Enye emi akadade mmɔ ye ɔbɔk-ufene esie ke inyaŋ ɔdɔk, odu mmɔŋ? Enye emi ekesinde enye Edisana Spirit esie ke idem, odu mmɔŋ?

ISAIAH 63:19

Nnyin ikodu ke eyo oko; afo ukakarake mmɔ; mmɔ ikekereke enyiŋ fo.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

EZEKIEL 34:11

Koro ntem ke Ɔbɔŋ Jehovah ɔdɔhɔ ete; Se mi, ami nyeyom ufene mi, nnyuŋ nduŋɔ mmɔ.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

DEUTERONOMY 4:35

Ema ewut fi, man afo ɔfiɔk ete ke Jehovah edi Abasi; efen iduhe idian ye enye.

DEUTERONOMY 4:39

Ɔfɔn fi ɔfiɔk, ndien, mfin emi, onyuŋ ekere ke esit fo, ete ke Jehovah edi Abasi ke ata enyɔŋ, ye ke isɔŋ ke idak; efen iduhe.

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

1 PETER 2:25

Nde unan Esie enam udɔŋɔ okure mbufo. Koro mbufo ekasasaŋa eyo nte erɔŋ, edi ke emi emafiak etiene Andibɔk ye Andikpeme ukpɔŋ mbufo.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

1 PETER 4:19

Ntem ke ɔfɔn mmɔ emi ekutde ndutuhɔ nte uduak Abasi edide eyak ukpɔŋ mmɔ ke erinam eti ŋkpɔ esin ke ubɔk Andibot, emi edide Abasi akpanikɔ.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.