ŊWED MME PSALM 10:16 - Edisana ñwed Abasi Ibom

¹⁶ Jehovah edi edidem ke nsinsi nsinsi: emesobo mme idut ke isɔŋ esie efep.

ŊWED MME PSALM 10:16 ပူးပေါင်းရင်းမြစ်များ

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

ŊWED MME PSALM 146:10

Jehovah edi edidem ke nsinsi; Abasi fo, O Zion, ke ofuri emana. Mbufo etoro Jehovah.

ŊWED MME PSALM 29:10

Jehovah eketie ke ini ukwɔ: Jehovah onyuŋ etie nte edidem ke nsinsi.

ŊWED MME PSALM 78:55

Ndien enye ebin mme idut ke iso mmɔ efep, onyuŋ ada uruk edeme udeme ɔnɔ mmɔ, ndien anam mme esien Israel eduŋ ke mme tent mmɔ.

ŊWED MME PSALM 9:15

Mme idut emesuhɔre ke obube emi mmɔ enamde, afia emi mmɔ edipde omomum mmɔ ukot Emefiɔk Jehovah:

ŊWED MME PSALM 9:5

Afo amaduari mme idut, omosobo mme idiɔk, ɔmɔsɔhi enyiŋ mmɔ efep ke nsinsi-nsinsi.

ŊWED MME PSALM 9:8

Ndien edi enye edikpe ererimbot ke eti ido; edikpe mme obio nte enende.

ŊWED MME PSALM 93:1

JEHOVAH edi edidem, emesine ubɔŋ ke idem: Jehovah emesine odudu: ɔbɔbɔ ŋkpɔ ke idem. Ererimbot ɔmɔwuhɔ ŋko, idisehekede.

EXODUS 15:18

JEHOVAH EYEDA UBƆŊ KE NSINSI.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

ŊWED ESEME 5:19

Afo, O Jehovah, etie ke nsinsi; ebekpo fo ebigi ke ofuri emana.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

DEUTERONOMY 8:20

Kpa nte mme idut emi Jehovah okosobode ke iso mbufo efep, kpasuk ntre ke edisobo mbufo; koro mbufo midinyimeke ndikop uyo Jehovah Abasi mbufo.

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.