ŊWED MME PSALM 10:14 - Edisana ñwed Abasi Ibom

¹⁴ Afo omokut; koro afo etiŋde enyin ese ibak ye iyaresit man ada mmɔ esin ke ubɔk fo: eyen ukut ayak idem ɔnɔ fi; afo edi iberedem eyen-akpa.

ŊWED MME PSALM 10:14 ပူးပေါင်းရင်းမြစ်များ

GENESIS 21:17

Ndien Abasi okop uyo eyen oro, angel Abasi ke enyɔŋ onyuŋ okot Hagar, ete enye, Nsinam fi Hagar? kufehe, koro Abasi omokop uyo eyen oro ke ɔtɔ emi enye odude.

GENESIS 31:12

ete, Jacob. Ndien ami mbɔrɔ nte, Se ami mi. Ndien enye ete, menere enyin fo, ndien, nyuŋ se, kpukpru okpo ebot emi odorode ufene edi ntɔi-ntɔi, ye ekpaŋ-ekpaŋ, ye iwat-iwat: koro mmokut kpukpru se Laban anamde fi.

2 SAMUEL 16:12

Ndusuk Jehovah eyese idiɔk ido mi, Jehovah eyenyuŋ ɔnɔ mi se ifɔnde ke ibuot isuŋi esie mfin emi.

2 NDIDEM 9:26

“Ŋkokut iyip Naboth ye iyip nditɔ esie, mkpɔŋ, edi uyo Jehovah: ndien nyesio usiene ye afo ke iŋwaŋ emi, edi uyo Jehovah”. Men enye, ndien, duɔk ke ŋwaŋ oro, ke uyo Jehovah.

2 CHRONICLES 24:22

Ntre ke Joash edidem etre nditi mfɔn oro Jehoiada ete esie akanamde ye enye, edi owot eyen esie; ndien ke ini enye oyomde ndikpa, enye ɔdɔhɔ ete, Yak Jehovah ese, onyuŋ oyom.

2 CHRONICLES 6:23

tie ndien ke enyɔŋ kop, nyuŋ nam, nyuŋ kpe ikpe ikɔt fo, nyuŋ sio idiɔk owo usiene, da usuŋ esie dori enye ke ibuot; nyuŋ bat edinen owo ke edinen, nyuŋ nɔ enye nte edinen ido esie edide.

ŊWED MME PSALM 146:9

Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.

ŊWED MME PSALM 22:11

Kukpɔŋ mi anyan usuŋ; koro nnanenyin ekperede; koro owo eke anyaŋade miduhe.

ŊWED MME PSALM 31:8

ukonyuŋ uyakke mi usin mme asua mi ke ubɔk: edi omonim ukot mi ke akamba ufaŋ.

ŊWED MME PSALM 35:22

O Jehovah afo omokut: kudop uyo: O Ɔbɔŋ, kukpɔŋ mi anyan usuŋ.

ŊWED MME PSALM 55:22

Top mbiomo fo nɔ Jehovah, ndien enye eyekama fi: enye idiyakke edinen owo esehere ke nsinsi.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

ŊWED MME PSALM 68:6

Abasi anam ikpɔŋ owo eduŋ ke ufɔk: osio mbon ŋkpɔkɔbi ɔnɔ inyene: edi mbon nsɔŋibuot ikpɔŋ eduŋ ke nsat isɔŋ.

EXODUS 2:25

Ndien Abasi ese nditɔ Israel, Abasi onyuŋ ɔfiɔk.

EXODUS 22:22

Ekufik baba ebe-akpa, ye eyen-akpa.

EXODUS 22:26

Edieke afo ɔbɔde ɔfɔŋidem mbɔhiduŋ fo ke ubiɔŋ, yak enye nɔ enye ke utin mikaisopke:

MME ŊKE 15:25

Jehovah eyedibere ufɔk mbon iseri efep: edi eyeneŋere adaŋa ŋwan akpa.

MME ŊKE 15:3

Enyin Jehovah edu ke kpukpru ebiet, ese mme idiɔk owo ye nti.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

JEREMIAH 16:17

Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

JEREMIAH 49:11

Kpɔŋ nditɔ akpa fo, nyenim mmɔ ke uwem; ndien yak mme ebe akpa fo ebuɔt idem mmɔ ye ami.

JEREMIAH 51:56

koro owo eke abiatde omosim enye, omosim Babylon, ndien emum mbon uko esie; mme utiga mmɔ ebuŋɔ: koro Jehovah edide Abasi usiene, enye iditreke ndinɔ utip.

ŊWED ESEME 3:59

amafak uwem mi. Jehovah afo okokut nte etukde mi: kpe ikpe mi.

ŊWED ESEME 3:60

Afo omokut ofuri usiene emi mmɔ esiode, kpukpru se mmɔ eduakde ebaŋa mi.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

JOEL 3:4

Ndien ŋko mbufo esaŋa nso ŋkpɔ ye ami Tyre, ye Zidon, ye ofuri edem Philistia? Nte mbufo esio usiene ye ami? Ndien edieke mbufo esiode usiene ye ami, nyesɔp nda usiene mbufo iwiwa ndori mbufo ke ibuot.

HABAKKUK 1:13

Afo amasana enyin akan nte okutde idiɔk, unyuŋ ukemeke ndise utuk: nsinam afo esede mbon abiaŋa, onyuŋ odopde uyo ke ini idiɔk owo osobode owo eke enende akan enye;

DEUTERONOMY 10:18

emi ekpede edinen ikpe ɔnɔ eyen-akpa ye ebe-akpa, onyuŋ amade esen owo, ɔnɔ enye udia ye edisine-ŋkpɔ.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

1 PETER 4:19

Ntem ke ɔfɔn mmɔ emi ekutde ndutuhɔ nte uduak Abasi edide eyak ukpɔŋ mmɔ ke erinam eti ŋkpɔ esin ke ubɔk Andibot, emi edide Abasi akpanikɔ.

1 PETER 5:7

Etop kpukpru ɔkpɔsɔŋ ekikere eke otimerede mbufo esit eduɔk edori Enye, koro Enye ke ekere mbufo.

JUDGES 1:7

Ndien Adoni-bezek ɔdɔhɔ, ete, Ndidem ata ye duop, emi ekekpokde mmɔ obodom nnuenubɔk ye obodom nnuenukot etetaŋ ŋkpɔ ke idak okpokoro mi: kpa nte ŋkanamde, kpa ntre ke Abasi onyuŋ anam mi usiene. Ndien mmɔ eda enye edi ke Jerusalem, ndien enye akpa do.