ŊWED MME PSALM 1:4 - Edisana ñwed Abasi Ibom

⁴ Mme idiɔk owo itiehe ntem; edi mmɔ ebiet mbio eke ofum asuande.

ŊWED MME PSALM 1:4 ပူးပေါင်းရင်းမြစ်များ

ŊWED JOB 21:18

Mmɔ ebiet nnyanyaŋa ke iso ofum, enyuŋ ebiet mbio eke oyobio ɔkpɔride efep.

ŊWED JOB 8:13

Kpa ntre ŋko ke usuŋ kpukpru mmɔ eke efrede Abasi etie; ndien idorenyin oburobut owo atak:

ŊWED MME PSALM 35:5

Yak mmɔ etie nte mbio ke iso ofum: yak angel Jehovah onyuŋ onuk mmɔ eka.

ŊWED MME PSALM 37:36

Ekem enye adaha, ndien, sese, enye iduhe: ndien nyom enye, edi idige aba nte ekutde enye.

ISAIAH 17:13

Ata ediwak owo ekpot nte akamba mmɔŋ okpotde: edi Enye aduat mmɔ, ndien mmɔ efeŋe anyan usuŋ, enyuŋ ebine mmɔ nte mbio ibokpot ke enyɔŋ obot ke iso ofum, ye nte ŋwewere ŋkpɔ ke iso oyobio.

ISAIAH 29:5

Ndien akwa otu isen owo fo eyebiet obu, akwa otu mbon afai eyenyuŋ ebiet mbio eke ekpɔride efep: ndien ŋkpɔ emi eyebuat ke ini kiet.

JEREMIAH 13:24

Ndien ami nyesuan mmɔ, kpa nte ofum wilderness ɔkpɔride mbio efep.

HOSEA 13:3

Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.