ŊWED MBON COLOSSAE 4:3 - Edisana ñwed Abasi Ibom

³ Ebɔŋ akam ebaŋa nnyin ŋko, man Abasi eberere usuŋ ɔnɔ nnyin ikwɔrɔ ikɔ Esie, itiŋ ndibe-ŋkpɔ Christ,

ŊWED MBON COLOSSAE 4:3 ပူးပေါင်းရင်းမြစ်များ

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

UTOM MME APOSTLE 14:27

Edi ke ini mmɔ esimde do, mmɔ ekot ufɔk Abasi ebon ɔtɔ kiet, ebuk kpukpru se Abasi akadade mmɔ anam, ye adaŋa nte Enye ekebererede usuŋ mbuɔtidem ɔnɔ mme Gentile.

ŊWED MBON ROME 16:25

Enɔ Enye, emi ekemede ndinam mbufo esɔŋɔ eda, nte gospel mi ye erikwɔrɔ emi ŋkwɔrɔde mbaŋa Jesus Christ etemede; nte asaŋade ekekem ye eriyarare ndibe-ŋkpɔ, emi okodibede ke nsinsi eyo, edi ke emi akayararede;

1 ŊWED CORINTH 16:9

koro ema eberere usuŋ akamba enɔ mi ndinam akwa utom do, mmɔ eke eŋwanade ye ami enyuŋ ewak.

1 ŊWED CORINTH 4:1

YAK owo abat nnyin ntem, ete nnyin idi mme anam-utom Christ ye mme akama-ukpɔhɔre ndibe-ŋkpɔ Abasi.

2 ŊWED CORINTH 2:12

Edi kadaŋemi ŋkosimde Troas ndikwɔrɔ gospel Christ, ndien ebererede usuŋ enɔ mi ke Ɔbɔŋ,

ŊWED MBON EPHESUS 3:1

KE ntak emi ami Paul, emi ndide owo-ŋkpɔkɔbi Christ Jesus mbaŋa mbufo mme Gentile—

ŊWED MBON EPHESUS 3:3

adaŋa nte akayararede ndibe-ŋkpɔ ɔnɔ mi, nte mma mbem iso ŋwet ibio-ibio:

ŊWED MBON EPHESUS 3:4

eke mbufo ekemede ndida ŋkot ŋkere, adaŋa nte ntimde mfiɔk ndibe-ŋkpɔ Christ:

ŊWED MBON EPHESUS 3:9

nnyuŋ nnam aŋwaŋa kpukpru owo enyin nte Abasi akadade ayarare ndibe-ŋkpɔ Esie, emi ɔtɔŋɔde mme eyo odibe ke Abasi, emi edide Andibot kpukpru ŋkpɔ:

ŊWED MBON EPHESUS 4:1

MMƆDO ami, emi ndide owo-ŋkpɔkɔbi ke Ɔbɔŋ, mmekpe mbufo ubɔk, nte, esaŋa nte odotde ikot emi ekokotde mbufo,

ŊWED MBON PHILIPPI 1:19

ke akpanikɔ nyenyuŋ ndadara; koro mmɔfiɔk nte ŋkpɔ emi eyewɔrɔ erinyaŋa ɔnɔ mi, oto ke mkpe-ubɔk mbufo, ye Spirit emi Jesus Christ edinɔde mi:

ŊWED MBON PHILIPPI 1:7

kpa nte enende mi ndinyene utɔ ekikere emi mbaŋa kpukpru mbufo; mmum mbufo ke esit mi ŋkama, koro ke ŋkpɔkɔbi mi, ye ke eneni eke nnenide man gospel ɔsɔŋɔ ada, mbufo kpukpru esaŋa ntre ye ami ebuana mfɔn Abasi.

ŊWED MBON COLOSSAE 1:26

kpa ndibe-ŋkpɔ eke okodibede toto ke eritɔŋɔ eyo ye emana; edi ke emi Abasi ama ayarare enye ɔnɔ nti ikɔt Esie,

ŊWED MBON COLOSSAE 4:18

Nda ubɔk mi ŋwet ekɔm mi. Eti ŋkpɔkɔbi mi. Mfɔn akpakam odu ye mbufo.

1 ŊWED THESSALONICA 5:25

Nditɔ-ete, enam mkpe-ubɔk enɔ nnyin.

2 ŊWED TIMOTHY 1:16

Ɔbɔŋ akpakam atua mbon ufɔk Onesiphorus mbɔm; koro enye ɔsɔŋɔde mi idem ediwak ini, minyuŋ inyeneke but ye ŋkpɔkɔbi mi;

2 ŊWED TIMOTHY 2:9

emi ŋkutde ukut ke esit, tutu esin mi ke ŋkpɔkɔbi nte anam-idiɔk: edi owo ikɔbike ikɔ Abasi.

2 ŊWED TIMOTHY 4:2

Sin ifik nam emi, ke edide ekem ini, ye ke minyuŋ idige ekem ini, wut mme owo ndudue mmɔ, sua nɔ mmɔ, kpe ye mmɔ; saŋa ye ofuri ime ye erikpep nam utom emi.

PHILEMON 1:22

Edi nim itie eke ndaŋde ebeŋe mi, koro ndoride enyin nte eyeyak mi mfiak ntiene mbufo oto ke akam mbufo.