ŊWED MBON COLOSSAE 2:4 - Edisana ñwed Abasi Ibom

⁴ Mmɔdɔhɔ emi mbak owo baba kiet edida nnem-inua abiaŋa mbufo.

ŊWED MBON COLOSSAE 2:4 ပူးပေါင်းရင်းမြစ်များ

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

MATTHEW 24:4

Ndien Jesus ɔbɔrɔ mmɔ ete, Ekpeme mbak owo baba kiet ididaha mbufo iwaha ikpɔŋ usuŋ.

MARK 13:22

ekunim ke akpanikɔ; mme Christ nsu ye mme prophet nsu eyewɔrɔ edi, eyenyuŋ ewut mme idiɔŋɔ ye mme utibe ŋkpɔ, man, edieke mmɔ ekpekemede, eda ndimek ikɔt Abasi ekpɔŋ usuŋ.

UTOM MME APOSTLE 20:30

mme owo eyenyuŋ edaha eda ke otu mbufo etiŋ ukwaŋ ikɔ, man edudi mbet etiene mmɔ.

1 ŊWED CORINTH 2:4

ikɔ mi ye ukwɔrɔ-ikɔ mi ikonyuŋ isaŋake ke nnem-inua ye ifiɔk owo, edi edi Spirit akada odudu anam ŋkpɔ aŋwaŋa mbufo;

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

ŊWED MBON GALATIA 2:4

Edi nnim gospel mi ke iso mmɔ kabaŋa nditɔ-ete abiaŋa emi edipde idem eduk edi ndiyep itie eyen-isɔŋ emi nnyin inyenede ke Christ Jesus, man eda nnyin eduk ufin:

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

ŊWED MBON EPHESUS 4:17

Mmɔdɔhɔ ndien ntem, nnyuŋ nsɔŋɔ ntiŋ ke Ɔbɔŋ, nte mbufo ekusaŋa aba nte mme Gentile efen esaŋade, ke ikpikpu ekikere mmɔ;

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

ŊWED MBON COLOSSAE 2:18

Ekuyak baba owo kiet obiom mbufo ikpe nte enye amama, ke ikɔ nsuhɔre-idem, ye erituak ibuot nnɔ mme angel; oruk owo emi ebure mbure ke ŋkukut, enyuŋ ekohore idem ke ikpikpu ekikere obukidem;

ŊWED MBON COLOSSAE 2:8

Ekpeme mbak owo ekededi edidu, eke adade ifiɔk owo ye ikpikpu abiaŋa eke esaŋade ye se owo ekpepde obume mbufo; nte asaŋade ekekem ye mme enyene odudu eke ekarade ererimbot, minyuŋ isaŋake ikekem ye Christ.

2 ŊWED TIMOTHY 2:16

Fep idem ke idiɔk ye ikpikpu ndutiŋ; koro oro edi se idinamde mme owo ekɔri ke unana uteŋe Abasi, ndien se mmɔ etiŋde eyetara nte ɔnɔk, Hymenaeus ye Philetus edu ke otu mmɔ;

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

1 JOHN 2:18

Ŋkpri nditɔ, emi edi ukperedem eyo: ndien nte mbufo ema ekop ete, andibiɔŋɔ Christ ke edi, kpa ke emi ediwak mme andibiɔŋɔ Christ ema ewɔrɔ ewut idem: nnyin ida emi ifiɔk ite, edi ukperedem eyo.

1 JOHN 2:26

Mma ŋwewet ŋkpɔ emi nnɔ mbufo mbaŋa mmɔ eke eyomde ndida mbufo nyo ŋkpɔŋ usuŋ.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

2 JOHN 1:7

Koro ediwak mbon abiaŋa ema ewɔŋɔ ekeduk ke ererimbot, kpa mmɔ emi minyimeke ite, Jesus Christ ama edi ke obukidem. Utɔ owo oro edi owo abiaŋa ye andibiɔŋɔ Christ.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 20:3

onyuŋ otop enye esin ke edituŋɔ ukpe, onyuŋ ɔkɔbi ukpe, onyuŋ esiri abaha enye, onim ufik-ŋkpɔ ke esit, man okubiaŋa aba mme idut tutu tɔsin isua ebe; ini oro ama ebe, enyene ndikpɔhɔre enye nyak ke ekpri ibio ini.

ERIYARARE 20:8

ndien enye eyewɔrɔ edi ndibiaŋa mme idut eke edude ke ŋkaŋ isɔŋ mbinaŋ, kpa Gog ye Magog, man enye ataŋ mmɔ obok ɔtɔ kiet, ete eŋwana ekɔŋ; ibat mmɔ ebiet ibat ntan mben-inyaŋ.