ŊWED MBON COLOSSAE 2:2 - Edisana ñwed Abasi Ibom

² man mmɔ ekpekam ekop nsɔŋ-esit, enyuŋ ekpep se ima edide. Mmɔ ekpekam esim ofuri uwak mbuɔtidem emi otode ke eritim mfiɔk ŋkpɔ. Mmɔ ekpekam ebure efiɔk ndibe-ŋkpɔ Abasi, oro edi Christ;

ŊWED MBON COLOSSAE 2:2 ပူးပေါင်းရင်းမြစ်များ

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

ŊWED MME PSALM 133:1

IDUŊ nditɔ-ete ke idem ɔtɔ kiet ɔfɔn didie! onyuŋ eye didie!

ISAIAH 32:17

Ndien se edinen ido anamde edi emem; utip eti ido onyuŋ edi nduɔk-odudu ye ifure ke nsinsi.

ISAIAH 40:1

ABASI mbufo eyedɔhɔ ete, Mbufo edɔŋ ikɔt mi esit, edɔŋ ikɔt mi esit.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

LUKE 1:1

SIA ediwak owo ema ekesin ubɔk ndinam mbuk mbaŋa mme ŋkpɔ oro ekɔwɔrɔde esu ke otu nnyin;

JOHN 10:30

Ami ye Ete Mi idi kiet.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 16:15

Kpukpru se Ete enyenede edi okim: ntak edi oro ndɔhɔde nte, Enye eyeda se inyenede Mi ayarare ɔnɔ mbufo.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 5:17

Edi Jesus ɔbɔrɔ mmɔ ete, Ete Mi ke ananam utom tutu osim emi,

JOHN 5:23

man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.

JOHN 6:69

Nnyin imonyuŋ inim ke akpanikɔ inyuŋ ifiɔk ite, Afo edi Edisana Eyen Abasi.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

ŊWED MBON ROME 15:13

Abasi idori-enyin akpakam ɔyɔhɔ mbufo ye kpukpru idaresit ye emem ke mbuɔtidem mbufo, man mbufo enyene uwak idori-enyin oto ke odudu Edisana Spirit.

ŊWED MBON ROME 16:25

Enɔ Enye, emi ekemede ndinam mbufo esɔŋɔ eda, nte gospel mi ye erikwɔrɔ emi ŋkwɔrɔde mbaŋa Jesus Christ etemede; nte asaŋade ekekem ye eriyarare ndibe-ŋkpɔ, emi okodibede ke nsinsi eyo, edi ke emi akayararede;

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

1 ŊWED CORINTH 14:31

Mbufo kpukpru emekeme ndisiak uduak-Abasi ke iduɔk ke iduɔk, man kpukpru owo ebɔ ukpep-ŋkpɔ, enyuŋ ekop ndɔŋ-esit;

1 ŊWED CORINTH 2:12

Edi nnyin ikɔbɔhɔ spirit ererimbot emi, edi ikɔbɔ spirit emi otode Abasi, man oto do nnyin ikpɔfiɔk mme ŋkpɔ eke Abasi ɔnɔde nnyin ke mfɔn.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON EPHESUS 3:16

nte, Enye akpakam ada Spirit Esie anam mbufo esɔŋɔ idem enyene odudu ke ukpɔŋ, nte ekemde ye uwak ubɔŋ Esie;

ŊWED MBON EPHESUS 3:3

adaŋa nte akayararede ndibe-ŋkpɔ ɔnɔ mi, nte mma mbem iso ŋwet ibio-ibio:

ŊWED MBON EPHESUS 6:22

Ŋkɔdɔŋ enye edi ke ɔtɔ mbufo ke ntak emi, man mbufo efiɔk nte ŋkpɔ etiede ye nnyin, enye onyuŋ ɔdɔŋ mbufo esit.

ŊWED MBON PHILIPPI 2:1

EDIEKE odudu ndidemere mbufo odude ke Christ, edieke ima ekemede ndituk mbufo esit, edieke mbufo enyenede nsaŋa ye Spirit, edieke ima ye mbɔm odude mbufo ke esit, enam nnyene idaresit ɔyɔhɔ-ɔyɔhɔ.

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

ŊWED MBON COLOSSAE 1:26

kpa ndibe-ŋkpɔ eke okodibede toto ke eritɔŋɔ eyo ye emana; edi ke emi Abasi ama ayarare enye ɔnɔ nti ikɔt Esie,

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

ŊWED MBON COLOSSAE 1:9

Ke ntak emi, toto ke usen emi ikokopde ŋkpɔ emi, nnyin ŋko idopke ndibɔŋ akam mbaŋa mbufo, ndinyuŋ nnam mkpe-ubɔk ite, Abasi akpakam anam mbufo eyɔhɔ ye ifiɔk uduak Esie ke kpukpru eti ibuot ye ikike ke ŋkpɔ Spirit;

ŊWED MBON COLOSSAE 2:19

edi mmɔ isɔŋɔke iyire ye Ibuot, emi adade ikek ye osip ɔbɔk ofuri idem, omum enye akama adiana, anam enye ɔkɔri ŋkɔri uwem Abasi.

ŊWED MBON COLOSSAE 3:14

Ndien ekɔrɔ ke kpukpru ŋkpɔ, esine ima, emi edide se ibɔpde uwem adiana inam ɔfɔn ama.

ŊWED MBON COLOSSAE 4:3

Ebɔŋ akam ebaŋa nnyin ŋko, man Abasi eberere usuŋ ɔnɔ nnyin ikwɔrɔ ikɔ Esie, itiŋ ndibe-ŋkpɔ Christ,

ŊWED MBON COLOSSAE 4:8

Ŋkɔdɔŋ enye ke ɔtɔ mbufo ke ntak emi, man mbufo efiɔk nte ntiede, man enye onyuŋ ɔdɔŋ mbufo esit.

1 ŊWED THESSALONICA 1:5

edi ekedi ke odudu, ye ke Edisana Spirit, ye ke mbure erikan. Mbufo nde emefiɔk oruk owo eke nnyin iwutde idem ke otu mbufo, man ɔfɔn ye mbufo

1 ŊWED THESSALONICA 3:2

Ndien idɔŋ Timothy, eyen-ete nnyin, emi onyuŋ edide anam-utom Abasi ye gospel Christ, ite anam mbufo esɔŋɔ eda, onyuŋ ɔsɔŋɔ mbufo esit ke mbuɔtidem mbufo;

1 ŊWED THESSALONICA 5:14

Edu ke emem ke ufɔt mbufo. Imonyuŋ ikpe ye mbufo, nditɔ-ete, esua enɔ mmɔ eke esaŋade otime-otime, esɔŋɔ mbon iduɔ-esit idem, ekama mbon mmem-idem, enyene anyan ime ye kpukpru owo.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 6:11

Edi ɔdɔŋ nnyin nte kpukpru mbufo ewut kpa oruk ifik oro, man enyene ɔyɔhɔ idorenyin tutu osim utit:

2 PETER 1:10

Ntre nditɔ-ete, edɔdiɔŋ esin ifik enam ikot eke ekekotde mbufo ye erimek eke emekde mbufo ɔsɔŋɔ ada: koro edieke mbufo enamde mme ŋkpɔ emi mbufo idikɔmɔke iduɔ;

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

1 JOHN 3:19

Nnyin iyeda emi ifiɔk ite ida ye akpanikɔ, inyuŋ isɔŋɔ esit ke iso Esie ke ŋkpɔ eke esit obiomde nnyin:

1 JOHN 5:7

Ndien Spirit etie ntiense, koro Spirit edide akpanikɔ.