ŊWED ESEME 2:4 - Edisana ñwed Abasi Ibom

⁴ Enye odudi utiga esie nte asua; onim nnasia esie nte owo utɔk, onyuŋ owot kpukpru mmɔ eke enemde owo ke enyin ke ataya adiaha Zion: enye aŋwaŋa ifuresit esie nte ikaŋ.

ŊWED ESEME 2:4 ပူးပေါင်းရင်းမြစ်များ

2 CHRONICLES 34:21

Mbufo eka ekebup Jehovah enɔ mi, ye mmɔ emi esuhɔde ke Israel, ye ke Judah, ebaŋa ikɔ ŋwed emi ekutde: koro iyaresit Jehovah emi eŋwaŋade nnyin ke idem omokpon koro mme ete nnyin mikenimke ikɔ Jehovah, minyuŋ inamke kpukpru se ewetde ke ŋwed emi.

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

ŊWED JOB 19:11

Enye onyuŋ anam iyaresit esie asak mi ke idem, onyuŋ abat mi nte owo usua esie kiet.

ŊWED JOB 6:4

Koro idaŋ Ata Ɔkpɔsɔŋ edude mi ke idem, emi spirit mi ɔŋwɔŋde ifɔt mmɔ: akpakop ndik Abasi eyi ekɔŋ ye ami.

ŊWED MME PSALM 37:14

Mme idiɔk owo esio ofut, enyuŋ ekɔk utiga mmɔ, ete iduɔk eyen ukut ye ubuene, inyuŋ iwot mbon esit kiet.

ŊWED MME PSALM 7:13

Omonyuŋ eket enye ŋkpɔ mkpa; eyenam idaŋ esie esak nte ikaŋ.

ISAIAH 42:25

Ndien enye ada ikaŋ iyaresit esie ye odudu ekɔŋ aŋwaŋa enye ke idem; ndien oro okim enye ikaŋ akanade okuk, edi enye ifiɔkke; onyuŋ ɔfɔp enye, edi enye inimke ibuot ke esit.

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

JEREMIAH 10:20

Tent mi amabiara, kpukpru uruk mi emenyuŋ ekibe; nditɔ mi emewɔŋɔ ekpɔŋ mi, ndien mmɔ iduhe: baba owo kiet eke eneŋerede tent, onyuŋ ɔkɔŋde mme ikpehe mi, inyuŋ iduhe aba.

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 21:5

Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

ŊWED ESEME 1:13

Enye etie ke enyɔŋ ɔnɔ ikaŋ, ete edisin mi ke ɔkpɔ, ndien enye akan mmɔ: enye eneŋere iyire ɔnɔ ukot mi, anam mi mfiak edem: onim mi ke ŋwure ye mba-mba ofuri usen.

ŊWED ESEME 2:5

Ɔbɔŋ amakabare ebiet owo asua: omosobo Israel, omosobo kpukpru ikpɔ ufɔk esie; owuri mkpɔsɔŋ ebiet esie, omonyuŋ anam ubaha ye mfuhɔ ewak ke idem adiaha Judah.

ŊWED ESEME 3:3

Ŋkɔm enye ɔtɔŋɔ ntak akabare ubɔk esie anam mi ofuri usen.

ŊWED ESEME 4:1

GOLD anam didie akabare ebire! ata eti gold anam didie ɔkpuhɔre! Mme itiat edisana ebiet emeduɔŋɔ ke ibuot kpukpru mme efak.

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 13:13

Mmɔdo ntem ke Ɔbɔŋ Jehovah ɔdɔhɔ ete, Nyeda ofum oyobio nsiak enye ke ifuresit mi; ata ɔkpɔsɔŋ edim eyenyuŋ edi ke iyaresit mi, ye ikpɔ itiat edim ke ikpahesit mi, ndibiat enye.

EZEKIEL 20:34

Nyenyuŋ nda ɔkpɔsɔŋ ita, ye edimenere ubɔk, ye ifuresit eke eŋwaŋade, nsio mbufo ke otu mme idut mfep, nnyuŋ ntaŋ mbufo ke mme obio emi mbufo esuanade ke esit, mbon.

EZEKIEL 22:22

Kpa nte etarade silver ke ufɔt ikaŋ, kpa ntre ke editara mbufo ke esit; ndien mbufo eyefiɔk ete ke ami Jehovah ŋŋwaŋa mbufo ifuresit mi ke idem.

EZEKIEL 24:25

Ndien afo, eyen owo, nte idisuhe ke usen emi mbɔde mmɔ odudu mmɔ, uyai mmɔ emi enemde mmɔ esit, ye se enyin mmɔ emade, ye se idɔŋde mmɔ esit, nditɔ-iren mmɔ ye nditɔ mmɔ iban?

EZEKIEL 36:18

Ami nnyuŋ nduɔk mmɔ ifuresit mi ke idem mbaŋa iyip emi mmɔ ekeduɔkde ke isɔŋ; koro mmɔ enyuŋ edade ibɔk mmɔ esabare enye:

EZEKIEL 5:13

Ndien iyaresit mi eyekure, nyenyuŋ nda ifuresit mi ndori mmɔ ke idem, ndien ŋkop ndɔŋ-esit: ndien mmɔ eyefiɔk, ete, ke ami Jehovah ndɔhɔ ke ufup mi, ke ini mmade ifuresit mi ye mmɔ.

EZEKIEL 6:12

owo eke oyomde usuŋ eyekpa ke idiɔk udɔŋɔ; owo eke ekperede eyenyuŋ ɔduɔ ke ofut: ndien owo eke ɔsuhɔde, eke owo enyuŋ ekande enye ekuk, eyekpa biɔŋ: ntem ke ami ndima iyaresit mi ke idem mmɔ.

EZEKIEL 7:14

Mmɔ efuri ukorowo enyuŋ enam kpukpru ŋkpɔ ebeŋe; edi baba owo kiet ikaha ekɔŋ: koro ifuresit mi odorode ofuri otu mmɔ ke idem.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

NAHUM 1:2

Jehovah edi Abasi ufup ye usiene: Jehovah osio usiene onyuŋ ɔyɔhɔ ifuresit. Jehovah osio usiene ye mme asua esie, onyuŋ ɔkɔhɔrɔ mbon utɔk esie.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.

1 SAMUEL 28:16

Ndien Samuel ɔdɔhɔ ete, Nsinam afo obupde mi, sia Jehovah ama ɔkɔkpɔŋ fi, onyuŋ akabare edi asua fo?