ŊWED ESEME 2:3 - Edisana ñwed Abasi Ibom

³ Enye omosibe ofuri nduk Israel ke ikaŋ iyaresit: amakabare ubɔk nnasia esie afiak edem ke iso mme asua, onyuŋ asak ke Jacob nte edemikaŋ eke atade akan okuk.

ŊWED ESEME 2:3 ပူးပေါင်းရင်းမြစ်များ

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

ŊWED JOB 16:15

Mmokim ɔfɔŋikpo nsine ke idem mi, nnyuŋ nsabare nduk mi ke ntan.

ŊWED MME PSALM 132:17

Do ke ndinam nduk otibe ɔnɔ David: mmɔdiɔŋ utuenikaŋ nnɔ Messiah fo.

ŊWED MME PSALM 74:11

Nsinam afo adade ubɔk fo ye nnasia fo efep? Sio ke ikpanesit fo nam ma.

ŊWED MME PSALM 75:10

Nyenyuŋ nsibe kpukpru nduk mme idiɔk owo mfep, edi eyemenere nduk nti owo enim ke enyɔŋ.

ŊWED MME PSALM 75:5

Ekumenere nduk mbufo enim ke edikoŋ ebiet: ekudɔhɔ ke itɔŋ iseri.

ŊWED MME PSALM 79:5

O Jehovah, adaŋa didie ke afo ediyaresit ke nsinsi?

ŊWED MME PSALM 89:24

Edi akpanikɔ mi ye ima mi eyeda ye enye; enyiŋ mi eyenyuŋ emenere nduk esie onim ke enyɔŋ.

ŊWED MME PSALM 89:46

Adaŋa didie, O Jehovah? Nte afo edidibe ke nsinsi?

ISAIAH 1:31

Ndien ŋkpɔsɔŋ owo eyekabare edi mfube, ŋkpɔ eke enye anamde eyenyuŋ edi ebua ikaŋ, ndien mmɔ mbiba eyeta ikaŋ, baba owo kiet eke onimede idinyuŋ iduhe.

ISAIAH 42:25

Ndien enye ada ikaŋ iyaresit esie ye odudu ekɔŋ aŋwaŋa enye ke idem; ndien oro okim enye ikaŋ akanade okuk, edi enye ifiɔkke; onyuŋ ɔfɔp enye, edi enye inimke ibuot ke esit.

JEREMIAH 21:14

Ndien nyenɔ mbufo ufen nte asaŋade ke mfri ido mbufo: nyenyuŋ mbara ikaŋ ke akai esie, ndien enye eyeta kpukpru se ikande enye ikuk: uyo Jehovah edi emi.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 48:25

Jehovah ɔdɔhɔ ete, Emesibe Moab nduk efep, ubɔk onyuŋ ɔbuŋɔ enye.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

ŊWED ESEME 1:13

Enye etie ke enyɔŋ ɔnɔ ikaŋ, ete edisin mi ke ɔkpɔ, ndien enye akan mmɔ: enye eneŋere iyire ɔnɔ ukot mi, anam mi mfiak edem: onim mi ke ŋwure ye mba-mba ofuri usen.

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 13:13

Mmɔdo ntem ke Ɔbɔŋ Jehovah ɔdɔhɔ ete, Nyeda ofum oyobio nsiak enye ke ifuresit mi; ata ɔkpɔsɔŋ edim eyenyuŋ edi ke iyaresit mi, ye ikpɔ itiat edim ke ikpahesit mi, ndibiat enye.

EZEKIEL 7:14

Mmɔ efuri ukorowo enyuŋ enam kpukpru ŋkpɔ ebeŋe; edi baba owo kiet ikaha ekɔŋ: koro ifuresit mi odorode ofuri otu mmɔ ke idem.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

LUKE 1:69

Onyuŋ anam nduk erinyaŋa otibe ɔnɔ nnyin Ke ufɔk owo Esie David,

LUKE 3:17

Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.