ŊWED ESEME 1:3 - Edisana ñwed Abasi Ibom

³ Emetaŋ Judah efep ebaŋa ukut ye ɔkpɔsɔŋ ufin: enye etie ke otu mme idut ikwe nduɔk-odudu: kpukpru mmɔ eke ebinede enye emesim enye ke mbaba esie.

ŊWED ESEME 1:3 ပူးပေါင်းရင်းမြစ်များ

2 NDIDEM 25:11

Nebuzaradan etubom mbon-ukpeme edidem onyuŋ ataŋ mmɔ eken emi esuhɔde ke obio, ye mbon-itɔk emi ediande idem ye edidem Babylon, ye mbio-obio emi esuhɔde, ɔnyɔŋ.

2 NDIDEM 25:21

ndien edidem Babylon ɔtɔ mmɔ owot ke Riblah, ke idut Hamath: onyuŋ ataŋ Judah ke isɔŋ mmɔ efep.

2 NDIDEM 25:4

Ekem ebuŋ obio, kpukpru mbon-ekɔŋ enyuŋ efeŋe ke okoneyo ke usuŋ inua-otop ke ufɔt ibibene mbiba emi ekperede iŋwaŋ-esa edidem: (koro mme Chaldean enyuŋ ekan obio ekuk:) ndien (edidem) efehe aka usuŋ una-isɔŋ.

2 NDIDEM 25:5

Ndien udim-ekɔŋ mme Chaldean ebine edidem, enyuŋ esim enye ke una-isɔŋ Jericho: ndien ofuri udim ekɔŋ esie esuana ekpɔŋ enye.

JEREMIAH 13:19

Mme obio ke edem usuk emesire, baba owo kiet inyuŋ ikpɔhɔkede: emetaŋ ofuri Judah efep, etaŋ mmɔ efep ema.

JEREMIAH 16:16

Jehovah ɔdɔhɔ, ete, Sese, nyedɔŋ ekekot ediwak mme ɔkɔ-iyak, ndien mmɔ eyekɔ mmɔ; ndien ke ini oro ebede, nyedɔŋ ekekot ediwak ata-utop, ndien mmɔ eyebine mmɔ ke enyɔŋ kpukpru ikpɔ obot, ye ke enyɔŋ kpukpru ŋkpri obot, ye ke nsiaha ikpɔ itiat, efep.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 39:9

Ndien Nebuzaradan etubom mme andikpeme edidem ataŋ mbio-obio efen eke esuhɔde ke obio, ye mmɔ eke ekediande idem ye enye, ye owo efen eke esuhɔde, ɔnyɔŋ ke Babylon.

JEREMIAH 52:15

Nebuzaradan etubom mbon-ukpeme edidem onyuŋ ataŋ ndusuk nditɔ ubueme, ye mbio-obio efen eke esuhɔde ke obio, ye mmɔ eke ediande idem ye edidem Babylon, ye otu owo eŋwen ɔnyɔŋ ke Babylon.

JEREMIAH 52:8

Ndien mbon-ekɔŋ mme Chaldean ebine edidem, enyuŋ esim Zedekiah, ke una-isɔŋ Jericho; kpukpru mbon-ekɔŋ esie enyuŋ ekpɔŋ enye esuana.

ŊWED ESEME 2:9

Mme itim esie ebuhɔ ke isɔŋ; enye abiat onyuŋ obuŋ eto usin-usuŋ esie: edidem esie ye mbɔŋ esie edu ke otu mme idut; ŋwed mbet iduhe: prophet esie inyuŋ ikwe ŋkukut eke otode Jehovah.

ŊWED ESEME 4:15

Mmɔ efiori ekot mmɔ, ete, Mbufo edaŋa, ke edehe, edaŋa, edaŋa, ekutuk! koro mmɔ efeŋede, enyuŋ ediyo, edɔhɔ ke otu mme idut, ete, Mmɔ ididuŋke aba.

ŊWED ESEME 5:5

Edori nnyin ŋkpɔ ke itɔŋ; inam ɔkpɔsɔŋ utom, inyuŋ inyeneke nduɔk-odudu.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

DEUTERONOMY 28:48

ndien afo eyenam ŋkpɔ mme asua fo eke Jehovah edidɔŋde etiene fi, ke biɔŋ, ye ke nsat-itɔŋ ye ke iferi, ye ke unana kpukpru ŋkpɔ: ndien enye eyekɔŋɔ fi ŋkpɔ ukwak ke itɔŋ, tutu enye osobo fi ama.