NEHEMIAH 9:8 - Edisana ñwed Abasi Ibom

⁸ afo okonyuŋ okut ete ke esit esie enyene akpanikɔ ke iso fo, afo onyuŋ odiomi ediomi ye enye, ete eyeda isɔŋ mme Canaanite, ye eke mme Hittite, ye eke mme Amorite, ye eke mme Perizzite, ye eke mme Jebusite, ye eke mme Girgashite, ete eyeda enye ɔnɔ ubon esie afo ama onyuŋ anam ke uyo fo ŋko; koro afo enende:

NEHEMIAH 9:8 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 15:6

Ndien enye ɔbuɔt idem ye Jehovah; ndien enye abat oro ɔnɔ enye ke edinen ido.

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

2 SAMUEL 22:31

Abasi! usuŋ esie ɔfɔn ama: ema edomo uyo Jehovah; enye edi otu - ekɔŋ kpukpru mmɔ eke ebuɔtde idem mmɔ ye enye.

1 CHRONICLES 1:14

ye mme Jebusite, ye mme Amorite, ye mme Girgashite;

1 CHRONICLES 16:16

emi enye okodiomide ye Abraham, ye uŋwɔŋɔ oro enye ɔkɔŋwɔŋɔde ɔnɔ Isaac;

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

NEHEMIAH 9:33

Edi afo emenen ke kpukpru se ama okosim nnyin; koro afo akanamde akpanikɔ; edi nnyin imɔdiɔk:

ŊWED MME PSALM 116:5

Jehovah ɔfɔn ido, onyuŋ enen; Abasi nnyin onyuŋ enyene esit mbɔm.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EZEKIEL 33:24

Eyen owo, mme andiduŋ ndon emi ke isɔŋ Israel edɔhɔ ete, Abraham ekedi kierakiet, ndien ada isɔŋ emi; ndien nnyin idi ediwak; emeda isɔŋ enɔ nnyin inyene.

NUMBERS 13:29

Amalek eduŋ ke edem usuk isɔŋ; mme Hittite, ye mme Jebusite, ye mme Amorite, enyuŋ eduŋ ke ikpɔ obot; mme Canaanite ŋko eduŋ ke mben inyaŋ, ye ke mben Jordan.

NUMBERS 23:19

Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?

UTOM MME APOSTLE 13:22

Edi ke Enye ama ekemen enye efep, anam David adaha ada, ete edi edidem mmɔ: onyuŋ ɔdɔhɔ abaŋa enye ete, Mmokut David eyen Jesse, owo emi ekemde esit ye Ami, emi edinamde ofuri uduak Mi.

DEUTERONOMY 26:3

Ndien ka ke ɔtɔ oku eke edidude ke ini oro, nyuŋ dɔhɔ enye ete, Ndɔhɔ nnɔ Jehovah Abasi fo mfin emi, nte, Mmoduk ke isɔŋ emi Jehovah ɔkɔŋwɔŋɔde ɔnɔ mme ete nnyin ete iyenɔ nnyin.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

MME HEBREW 11:17

Oto mbuɔtidem Abraham awa Isaac ke uwa, ke ini Abasi odomode enye ese; ŋkɔm enye, emi ɔkɔbɔde mme uŋwɔŋɔ ke idaresit, ɔmɔŋ ediwa ikpɔŋ-ikpɔŋ eyen esie;

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

JOSHUA 11:23

Ntem ke Joshua ada ofuri edem oro, ekem ke kpukpru se Jehovah ɔkɔdɔhɔde Moses; ndien Joshua ada enye ɔnɔ Israel ke udeme, nte mbak mmɔ ye esien mmɔ edide: ndien isɔŋ ɔduɔk odudu ekɔŋ.

JOSHUA 11:3

ye ke ɔtɔ mme Canaanite ke edem usiaha-utin, ye ke edem usop-utin, ye ke ɔtɔ mme Amorite, ye eke mme Hittite, ye eke mme Perizzite, ye eke mme Jebusite, ke ikpɔ obot, ye ke ɔtɔ mme Hivite ke ukot Hermon ke isɔŋ Mizpah.

JOSHUA 23:14

Ndien sese, mfin emi ami mmɔŋ ŋka usuŋ ofuri ererimbot: ndien mbufo emefiɔk ke ofuri esit mbufo, ye ke ofuri ukpɔŋ mbufo, ete ke baba eti ikɔ kiet eke Jehovah Abasi mbufo ɔkɔdɔhɔde abaŋa mbufo, ikpuho: kpukpru ema esu enɔ mbufo, baba ikɔ kiet ikpuho ke esit.

JOSHUA 9:1

EDIKEM adaŋemi kpukpru mbɔŋ eke edude ke edem Jordan emi, ke ikpɔ obot, ye ke una-isɔŋ edem inyaŋ, ye ke ofuri mben akwa inyaŋ, ekem ye Lebanon, kpa mme Hittite, ye mme Amorite, ye mme Canaanite, ye mme Perizzite, ye mme Hivite,

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.