NEHEMIAH 9:6 - Edisana ñwed Abasi Ibom

⁶ Afo edi enye, O Jehovah, afo ikpɔŋ: edi afo akanam ikpa-enyɔŋ, ye ata enyɔŋ, ye kpukpru udim mmɔ, ye isɔŋ, ye kpukpru se idude ke esit, ye inyaŋ ye kpukpru se idude ke esit, afo onyuŋ onim kpukpru mmɔ uwem; udim enyɔŋ enyuŋ etuak ibuot enɔ fi.

NEHEMIAH 9:6 ပူးပေါင်းရင်းမြစ်များ

GENESIS 1:1

KE eritɔŋɔ Abasi okobot enyɔŋ ye isɔŋ.

GENESIS 1:9

Ndien Abasi ete, Yak mmɔŋ ke idak enyɔŋ oboho ke ebiet kiet, yak edisat isɔŋ onyuŋ ɔwɔrɔ: ndien edi ntre.

GENESIS 2:1

EKEM enam enyɔŋ ye isɔŋ, ye kpukpru udim mmɔ ema.

GENESIS 32:2

angel Abasi esobo ye enye. Ndien ke ini Jacob okutde mmɔ, enye ete, Nna mbon ekɔŋ Abasi edi emi; enye onyuŋ osio ebiet oro enyiŋ Mahanaim.

1 NDIDEM 22:19

Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

2 NDIDEM 19:15

Hezekiah onyuŋ anam mkpe-ubɔk ke iso Jehovah, onyuŋ ɔdɔhɔ, ete, Jehovah Abasi Israel, emi etiede ke otu mme cherubim, afo ke idem fo ikpɔŋ-ikpɔŋ edi Abasi kpukpru mme idut ke ererimbot; afo akanam enyɔŋ ye isɔŋ.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

NEHEMIAH 9:5

Ndien mme Levite, Jeshua, ye Kadmiel, ye Bani, ye Hashabneiah, ye Sherebiah, ye Hodiah, ye Shebaniah, ye Pethahiah, edɔhɔ, ete, Mbufo edaha ke enyɔŋ ekɔm Jehovah Abasi mbufo ke nsinsi nsinsi: yak mmɔ enyuŋ ekɔm enyiŋ ubɔŋ fo, emi okoŋde akan kpukpru ekɔm ye itoro.

ŊWED MME PSALM 102:25

Afo okodori isɔŋ ke itie esie ke eyo oko: ndien enyɔŋ edi se ubɔk fo enamde.

ŊWED MME PSALM 103:21

Etoro Jehovah, mbufo ofuri udim esie, mme asaŋutom esie, emi enamde se enye amade.

ŊWED MME PSALM 115:15

Jehovah andinam enyɔŋ ye isɔŋ akam ɔdiɔŋ mbufo.

ŊWED MME PSALM 124:8

Erinyaŋa nnyin odu ke enyiŋ Jehovah, emi akanamde enyɔŋ ye isɔŋ.

ŊWED MME PSALM 146:6

emi akanamde enyɔŋ, ye isɔŋ, inyaŋ, ye kpukpru se idude mmɔ ke esit: emi onimde akpanikɔ ke nsinsi:

ŊWED MME PSALM 24:10

Anie edi edidem ubɔŋ emi? Jehovah mme udim, enye edi edidem ubɔŋ. [Selah.]

ŊWED MME PSALM 33:6

Ekeda uyo Jehovah enam enyɔŋ; ekeda ibifik inua esie enam kpukpru udim mmɔ.

ŊWED MME PSALM 36:6

Eti ido fo etie nte obot Abasi; mme ikpe fo edi akwa udem. Jehovah afo eyenim owo ye unam.

ŊWED MME PSALM 86:10

Koro afo omokpon, omonyuŋ anam mme utibeŋkpɔ: afo ikpɔŋ-ikpɔŋ edi Abasi.

ISAIAH 37:16

O Jehovah mme udim, Abasi Israel, emi oduŋde ke otu mme cherubim, edi afo ke idem fo ikpɔŋ-ikpɔŋ edi Abasi kpukpru mme idut ererimbot: edi afo akanam enyɔŋ ye isɔŋ.

ISAIAH 37:20

Mbɔk, ndien, O Jehovah Abasi nnyin, nyaŋa nnyin sio ke ubɔk esie, ndien kpukpru mme idut ererimbot eyefiɔk ete ke afo ikpɔŋ-ikpɔŋ edi Jehovah.

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

EZEKIEL 20:11

Nnyuŋ nnɔ mmɔ mme ewuhɔ mi; nnyuŋ ŋwut mmɔ mme item mi, emi owo ama anam mmɔ, owo eyedu uwem ke esit.

JONAH 1:9

Ndien enye ɔbɔrɔ mmɔ, ete, Ami ndi eyen Hebrew; ami nnyuŋ mbak Jehovah Abasi enyɔŋ, emi akanamde inyaŋ ye obot.

JOHN 10:30

Ami ye Ete Mi idi kiet.

UTOM MME APOSTLE 4:24

Edi ke adaŋemi mmɔ oro ekopde, mmɔ emenere uyo ye esit kiet enɔ Abasi, ete, O Ɔbɔŋ, Afo emi edide Andinam enyɔŋ ye isɔŋ ye inyaŋ, ye kpukpru se idude mmɔ ke esit:

DEUTERONOMY 10:14

Sese, enyɔŋ, ye ata enyɔŋ, ye isɔŋ, ye kpukpru se idude ke esit, edi eke Jehovah Abasi fo.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

DEUTERONOMY 6:4

O Israel, kop: Jehovah Abasi nnyin edi Jehovah kiet:

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 1:6

Ŋko, ke adaŋemi Enye editɔŋɔde ntak ada Akpan Esie edi ke ererimbot, Enye ɔdɔhɔ ete, Yak kpukpru mme angel Abasi enyuŋ etuak ibuot enɔ Enye.

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.