NEHEMIAH 9:38 - Edisana ñwed Abasi Ibom

³⁸ Ndien kpukpru ŋkpɔ emi esin nnyin idiomi ediomi, inyuŋ iwet; ndien mbɔŋ nnyin, ye mme Levite nnyin, ye mme oku nnyin, enyuŋ efik ke ufik-ŋwed mmɔ.

NEHEMIAH 9:38 ပူးပေါင်းရင်းမြစ်များ

NEHEMIAH 10:1

NDIEN Nehemiah, Tirshatha, eyen Hacaliah, asaŋa ye mmɔ emi efikde ke ufik-ŋwed,

NEHEMIAH 10:29

ediana ye nditɔ-ete mmɔ, ye mbɔŋ mmɔ, enyuŋ eduk ke isuŋi, ye ke uŋwɔŋɔ, ete, ke mmimɔ iyesaŋa ke mbet Abasi, emi ekenɔde ke ubɔk Moses owo Abasi, inyuŋ ikpeme, inyuŋ inam kpukpru mbet Jehovah Ɔbɔŋ nnyin, ye mme item esie, ye mme ewuhɔ esie;

EZRA 10:3

Ke emi, ndien, yak nnyin idiomi ediomi ye Abasi nnyin, ite ke nnyin iyesioŋo kpukpru iban, ye nditɔ emi mmɔ emande, nte ekemde ke item ɔbɔŋ mi, ye ke eke mme mmɔ emi enyekde idem ebaŋa mbet Abasi nnyin; ndien yak enam ke ewuhɔ.

2 CHRONICLES 34:31

Edidem onyuŋ ada ke ɔtɔ esie, onyuŋ anam ediomi ke iso Jehovah, ete iyesaŋa itiene Jehovah, inyuŋ inim mbet esie, ye mme item esie, ye mme ewuhɔ esie, ke ofuri esit esie, ye ke ofuri ukpɔŋ esie, inyuŋ inam ikɔ ediomi eke ekewetde ke ŋwed emi.

2 CHRONICLES 29:10

Ndien odu mi ke esit ndidiomi ye Jehovah Abasi Israel, man ikaŋ iyaresit esie ɔwɔŋɔre ɔkpɔŋ nnyin.

2 CHRONICLES 23:16

Ekem Jehoiada anam ediomi ke ufɔk idem esie, ye kpukpru mbio-obio, ye edidem, ete edi ikɔt Jehovah.

2 NDIDEM 23:3

Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

MATTHEW 27:66

Mmɔ enyuŋ eka ekanam etim ekpeme udi, enim idiɔŋɔ ke itiat, mbon-ukpeme enyuŋ edu ye mmɔ.

ISAIAH 44:5

Emi eyedɔhɔ, ete, Ami mmenyene Jehovah; emi ŋko eyeseme okot enyiŋ Jacob, ndien emi eyeda ubɔk esiemɔ ewet, ete, Eke Jehovah, onyuŋ ada enyiŋ Israel adian idem.