NEHEMIAH 9:32 - Edisana ñwed Abasi Ibom

³² Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

NEHEMIAH 9:32 ပူးပေါင်းရင်းမြစ်များ

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

2 NDIDEM 15:19

Ekem Pul edidem Assyria edi ndiŋwana ekɔŋ ye idut oro: ndien Menahem ɔnɔ Pul tɔsin talent silver, man enye esin ubɔk anam ubɔŋ ɔsɔŋ ada enye ke ubɔk.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 17:3

Shamaneser edidem Assyria ɔdɔk aka ekɔŋ ye enye; ndien Hoshea akabare edi owo esie, onyuŋ otomo enye utomo.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 NDIDEM 23:29

Ke eyo esie Pharaoh-necoh edidem Egypt ɔdɔk aka ke akpa Euphrates, ndiŋwana ekɔŋ ye edidem Assyria ndien edidem Josiah aka ɔkɔbiɔŋɔ enye: ndien Pharaoh owot enye ke Megiddo, ke ini okutde enye.

2 NDIDEM 25:7

Mmɔ enyuŋ ewot nditɔ-iren Zedekiah ke iso esie, enyuŋ etibi Zedekiah enyin, enyuŋ ekɔbi enye ŋkpɔkɔbi okpoho, eda enye enyɔŋ ke Babylon.

EZRA 4:10

ye mme idut efen emi akamba ɔbɔŋ Osnappar akataŋde edi edinim ke mme obio Samaria, ye mmɔ efen ke edem akpa emi, ye ntre ntre, ewet.

EZRA 4:2

mmɔ edi ke ɔtɔ Zerubbabel, ye eke mme etubom mme ete, edidɔhɔ mmɔ, ete, Yak nnyin itiene mbufo ibɔp; koro nnyin ibinede Abasi mbufo, kpa nte mbufo enamde; inyuŋ iwa uwa inɔ enye, toto ke eyo Esar-haddon edidem Assyria, emi akadade nnyin ɔdɔk edi ken.

EZRA 9:13

Ndien emi kpukpru ŋkpɔ emi ema enam nnyin, ebaŋa mme idiɔk ido nnyin, ye akwa isop nnyin: koro afo, O Abasi nnyin, ama osuk ubɔk akan mme ukwaŋ-ŋkpɔ nnyin, ama onyuŋ ɔnɔ nnyin oruk ubɔhɔ emi;

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

ŊWED MME PSALM 47:2

Koro Jehovah, Ata Edikoŋ, enyenede ndik: enye edi akwa edidem ke ofuri ererimbot.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

ŊWED MME PSALM 66:5

Mbufo eka ekese utom Abasi; se enye anamde abaŋa nditɔ owo enyene ndik.

EXODUS 18:8

Ndien Moses emen kpukpru se Jehovah akanamde Pharaoh ye Egypt abaŋa Israel, ye kpukpru ukut emi mmɔ ekekutde ke usuŋ, ye nte Jehovah okonyuŋ anyaŋade mmɔ, obuk ɔnɔ ukɔt esie.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

DANIEL 9:6

nnyin ikonyuŋ ikopke uyo ikɔt fo mme prophet, emi eketiŋde ikɔ ke enyiŋ fo, edɔhɔ edidem nnyin, ye mbɔŋ nnyin, ye mme ete nnyin, ye kpukpru mbio-obio.

DANIEL 9:8

O Ɔbɔŋ, but iso edi eke nnyin, ye eke ndidem nnyin, ye eke mbɔŋ nnyin, ye eke mme ete nnyin, koro nnyin imanam idiɔk ye afo.

LEVITICUS 26:18

Ndien edieke kpukpru ŋkpɔ emi misinke mbufo ekop uyo mi, nyekɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:21

Ndien mbufo ema esaŋa ye ami ke ndusuara, midinyuŋ inyimeke ndikop uyo mi; ndien nyekɔrɔ mbufo ufen utim ikatiaba, nte mme idiɔk-ŋkpɔ mbufo edide.

LEVITICUS 26:24

ndien ami nde nyesaŋa ke ndusuara ye mbufo, nyenyuŋ ŋkɔrɔ mbufo ufen utim ikatiaba mbaŋa mme idiɔk-ŋkpɔ mbufo.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

DEUTERONOMY 7:12

Ndien ama ekem, koro mbufo edikpaŋde utɔŋ ke mme item emi, enyuŋ enimde, enyuŋ enamde mmɔ Jehovah Abasi fo eyeda ediomi ye ima emi enye ɔkɔŋwɔŋɔde ɔnɔ mme usɔ, ekpeme ɔnɔ fi:

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;