NEHEMIAH 9:30 - Edisana ñwed Abasi Ibom

³⁰ Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

NEHEMIAH 9:30 ပူးပေါင်းရင်းမြစ်များ

2 NDIDEM 18:11

Ndien edidem Assyria ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan; ye ke mme obio Media:

2 NDIDEM 21:10

Ndien Jehovah ebe ke inua ikɔt esie mme prophet etiŋ ikɔ, ete,

2 CHRONICLES 24:19

Edi enye ɔdɔŋ prophet utom ke ɔtɔ mmɔ: ete eda mmɔ efiak etiene Jehovah; ndien mmɔ esua enɔ mmɔ: edi mmɔ ikpaŋke utɔŋ.

EZRA 9:10

Ndien ke emi, O Abasi nnyin, nnyin ididɔhɔ didie ke ŋkpɔ emi ama ebe? koro nnyin ima ikpɔŋ mme ewuhɔ fo:

NEHEMIAH 9:20

Afo onyuŋ ɔnɔ mmɔ eti spirit fo man anam mmɔ efiɔk ŋkpɔ, unyuŋ usioho mmɔ manna fo ke inua ufep, onyuŋ ɔnɔ mmɔ mmɔŋ ke ini nsat-itɔŋ mmɔ.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

NEHEMIAH 9:29

Ndien afo asua ɔnɔ mmɔ, man anam mmɔ efiak ke ibet fo: edi mmɔ eseri iseri, inyuŋ ikopke ibet fo, edi edue mme item fo, eke owo eke anamde mmɔ edidude uwem ke esit; mmɔ enyuŋ enim afara emiom-emiom, enyuŋ esɔŋ obot itɔŋ mmɔ, inyuŋ ikopke.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 95:10

Emana oro ada efek mi ke ofuri isua aba, ndien ndɔhɔ nte ke mmɔ edi mbon eke esit mmɔ eyode, ndien mmɔ ifiɔkke usuŋ mi.

ISAIAH 28:10

Koro (ekɔtde) ibet ke ibet, ibet ke ibet; ewuhɔ ke ewuhɔ, ewuhɔ ke ewuhɔ; mi esisit, do esisit.”

ISAIAH 42:24

Anie ɔnɔ Jacob ke ŋkpɔ nnama, anie onim Israel ke ŋkpɔ mbume? Nte idige Jehovah, emi nnyin iduede enye, ndien minyimeke ndisaŋa ke usuŋ esie, minyuŋ ikopke mme ewuhɔ esie?

ISAIAH 48:9

Nyekpɔnɔre kaŋa iyaresit mi nnim mbaŋa enyiŋ mi, nyenyuŋ mmum enye ŋkama nnɔ fi mbaŋa itoro mi, mbak ndisibe fi mfep.

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

JEREMIAH 44:5

Edi mmɔ ikopke, inyuŋ ikpaŋke utɔŋ mmɔ, inyuŋ ikabakede ikpɔŋ mme idiɔk ido mmɔ, inyuŋ itreke ndifɔp ŋkpɔ nnɔ abasi efen.

JEREMIAH 7:25

Ɔtɔŋɔde ke usen oro mme ete mbufo eketode ke Egypt edi, tutu osim mfin emi, mma nnyuŋ ndɔŋ kpukpru ikɔt mi mme prophet utom ke ɔtɔ mbufo, kpukpru usen mbabak ndɔŋ:

ŊWED ESEME 2:17

Jehovah anam se enye akaduakde ama; ama anam uyo esie oro enye okowukde ke eyo oko: enye owuri inyuŋ ituaha owo mbɔm: enye onyuŋ ayak usua adat esit abaŋa fi, onyuŋ emenere nduk owo utɔk fo onim ke enyɔŋ.

DANIEL 9:6

nnyin ikonyuŋ ikopke uyo ikɔt fo mme prophet, emi eketiŋde ikɔ ke enyiŋ fo, edɔhɔ edidem nnyin, ye mbɔŋ nnyin, ye mme ete nnyin, ye kpukpru mbio-obio.

ZECHARIAH 7:12

Mmɔ enyuŋ enim esit mmɔ nte itiat adamant, man ekukop mbet ye ikɔ oro Jehovah akadade spirit esie ɔnɔ ke ubɔk mme akpa prophet: ndien akwa iyaresit oto Jehovah mme udim.

ZECHARIAH 7:13

Ndien edikem, kpa nte enye okotde, ndien mmɔ mikopke; kpa ntre ke mmɔ ekekot, ndien ami ŋkopke, Jehovah mme udim ɔdɔhɔ:

NUMBERS 11:26

Ndien owo iba emi kiet ekerede Eldad, kiet eken onyuŋ ekere Medad, esuk ke nna: ndien spirit oduk mmɔ ke idem; mmɔ enyuŋ edu ke otu mmɔ emi ekewetde, edi ikewɔrɔke ika tent: ndien mmɔ etiŋ prophecy ke nna.

UTOM MME APOSTLE 13:18

Enye onyuŋ eme ime ye ido mmɔ ke desert ke adaŋa isua aba.

UTOM MME APOSTLE 28:25

Ndien sia ekikere mmɔ misaŋake ukem, mmɔ esuana, ke ini Paul ama eketiŋ ikɔ kiet emi, ete, Edisana Spirit okototim ɔdɔhɔ mme ete mbufo ke

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.

2 PETER 3:9

Ɔbɔŋ iduɔnke ke erinam uŋwɔŋɔ Esie, ke ido nte ndusuk owo ekerede ete, Enye ɔduɔn; Enye akam enyene anyan ime ye mbufo, inyuŋ iyomke baba owo kiet atak, edi oyom kpukpru owo etua mkpɔfiɔk ekabare esit.