NEHEMIAH 9:29 - Edisana ñwed Abasi Ibom

²⁹ Ndien afo asua ɔnɔ mmɔ, man anam mmɔ efiak ke ibet fo: edi mmɔ eseri iseri, inyuŋ ikopke ibet fo, edi edue mme item fo, eke owo eke anamde mmɔ edidude uwem ke esit; mmɔ enyuŋ enim afara emiom-emiom, enyuŋ esɔŋ obot itɔŋ mmɔ, inyuŋ ikopke.

NEHEMIAH 9:29 ပူးပေါင်းရင်းမြစ်များ

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

2 NDIDEM 17:14

Ndien mmɔ inyimeke ndikop, edi esɔŋ obot itɔŋ mmɔ nte itɔŋ mme ete mmɔ, emi mikenimke uyo Jehovah Abasi mmɔ ke akpanikɔ.

2 CHRONICLES 24:19

Edi enye ɔdɔŋ prophet utom ke ɔtɔ mmɔ: ete eda mmɔ efiak etiene Jehovah; ndien mmɔ esua enɔ mmɔ: edi mmɔ ikpaŋke utɔŋ.

2 CHRONICLES 33:10

Ndien Jehovah ɔdɔhɔ ikɔ ye Manasseh ye ikɔt esie, edi mmɔ ikpaŋke utɔŋ.

2 CHRONICLES 36:15

Ndien Jehovah Abasi mme ete mmɔ ɔdɔŋ mme isuŋ esie utom ke ɔtɔ mmɔ, abak ɔdɔŋ; koro enye enyenede mbɔm ye ikɔt esie ye ebiet iduŋ esie:

NEHEMIAH 13:15

Ke ini oro ŋkut usuk owo ke Judah nte edigide ebiet-udigi wine, ke sabbath, enyuŋ ebiomde ebek, enyuŋ edoride ŋkpɔ ke edem ass, ebiom wine ŋko, ye grape, ye fig, ye kpukpru oruk mbiomo, nte enyuŋ edade mmɔ eduk ke Jerusalem ke usen sabbath: ndien nsua nnɔ mmɔ ke usen oro mmɔ enyamde ŋkpɔ udia.

NEHEMIAH 9:10

afo okonyuŋ owut idiɔŋɔ ye utibe ŋkpɔ ke idem Pharaoh, ye ke idem kpukpru ikɔt esie, ye ke eke kpukpru mbio-obio esie: koro afo ɔfiɔkde ete ke mmɔ ekeseri iseri ye mmɔ. Ntre ke afo akanam enyiŋ ɔnɔ idem fo kpa nte edide mfin emi.

NEHEMIAH 9:16

Edi mmɔ ye mme ete nnyin eseri iseri, enyuŋ esɔŋ obot itɔŋ mmɔ, inyuŋ inimke mbet fo,

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

JEREMIAH 17:23

Ndien mmɔ ikopke, inyuŋ ikpaŋke utɔŋ mmɔ, edi esɔŋɔ obot itɔŋ mmɔ, ndien mmɔ ikopke, inyuŋ ibɔhɔ item.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 42:19

Jehovah ɔmɔdɔhɔ abaŋa mbufo, nditɔ Judah emi esuhɔde, ete, Mbufo ekuka Egypt: mbufo etim efiɔk ete ke nteme mbufo mfin emi.

JEREMIAH 43:2

ndien Azariah eyen Hoshaiah, ye Johanan eyen Kareah, ye kpukpru mbon iseri, edɔhɔ Jeremiah ete, Afo osusu: idige Jehovah Abasi nnyin ɔdɔŋ fi edidɔhɔ ete, Mbufo ekuka Egypt ekeduŋ do.

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

EZEKIEL 20:11

Nnyuŋ nnɔ mmɔ mme ewuhɔ mi; nnyuŋ ŋwut mmɔ mme item mi, emi owo ama anam mmɔ, owo eyedu uwem ke esit.

DANIEL 5:20

Ndien ke ini enye emenerede esit esie ke enyɔŋ, spirit esie onyuŋ akabarede ɔsɔŋ, onyuŋ eseride iseri, esio enye ke ebekpo ubɔŋ esie esuhɔre, enyuŋ ebɔ enye ukpono esie efep:

HOSEA 6:5

Oro esin ŋkada prophet ŋkpeŋe mmɔ, nnyuŋ ŋwot mmɔ ke ikɔ inua mi: ndien ikpe fo ɔwɔrɔ nte uŋwana.

LEVITICUS 18:5

Mbufo enim ndien mme ewuhɔ mi ye item mi: emi owo eke edinamde mmɔ edidude uwem ke esit: ami ndi Jehovah.

MATTHEW 19:17

Edi Jesus ete enye, Nsinam obupde Mi abaŋa se idide eti: Kiet odu emi edide eti: edi edieke oyomde ndiduk uwem, nim mbet.

LUKE 10:28

Jesus ɔdɔhɔ enye ete, Omotim ɔbɔrɔ: nam ntre, ndien eyedu uwem.

ŊWED MBON ROME 10:5

Koro Moses ewet ete, Owo eke anamde edinen ido ibet edida oro odu uwem.

ŊWED MBON GALATIA 3:12

Edi ibet isaŋake ŋkpɔ ye mbuɔtidem; edi, Owo eke onimde ibet edida ibet odu uwem.

DEUTERONOMY 31:21

Ndien ama ekem, ke ediwak mkpɔsɔŋ mme idiɔk-ŋkpɔ eke edisimde mmɔ, ikwɔ emi eyebɔrɔ ke iso mmɔ nte ntiense; koro enye midisopkde ke inua nditɔ mmɔ: koro mmɔfiɔk ekikere mmɔ emi mmɔ ekerede mfin emi, ke mmeŋka-ndaha mmɔ kaŋa nduk ke isɔŋ emi ŋkɔŋwɔŋɔke.

DEUTERONOMY 31:27

Koro ami mmɔfiɔk nsɔŋ-ibuot fo, ye itun fo: kam sese, ke ami ndodu uwem ye mbufo mfin emi, mbufo esɔŋ ibuot ye Jehovah: ŋwaŋwa ediso adaŋemi ndikpade!

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

JUDGES 6:10

ndien ndɔhɔ mbufo, nte, Ami ndi Jehovah Abasi mbufo; mbufo ekubak mme abasi mme Amorite, emi mbufo eduŋde ke isɔŋ mmɔ: edi mbufo ikokopke uyo mi.