NEHEMIAH 9:27 - Edisana ñwed Abasi Ibom

²⁷ Mmɔdo afo ekesinde mmɔ ke ubɔk mme asua mmɔ, eke efikde mmɔ. Ekem mmɔ eseme enɔ fi ke ini nnan-enyin mmɔ, afo onyuŋ etie ke enyɔŋ okop; ndien uwak mbɔm fo esin fi ɔnɔ mmɔ mme andi-nyaŋa eke enyaŋade mmɔ esio mme asua mmɔ ke ubɔk.

NEHEMIAH 9:27 ပူးပေါင်းရင်းမြစ်များ

2 NDIDEM 13:5

(Ndien Jehovah ɔnɔ Israel andinyaŋa, ndien mmɔ ewɔŋɔ ke idak ubɔk Syria: nditɔ Israel enyuŋ eduŋ ke tent mmɔ, nte akpa.

2 NDIDEM 14:27

Edi Jehovah ikɔdɔhɔke, ite esɔhi enyiŋ Israel efep ke idak enyɔŋ: edi enye ada ubɔk Jeroboam eyen Joash anyaŋa mmɔ.

2 NDIDEM 17:20

Ndien Jehovah ɔduɔk ofuri ubon Israel, onyuŋ otuk mmɔ, onyuŋ esin mmɔ ke ubɔk mbon ŋwo, tutu enye emen mmɔ ke iso esie ɔduɔk.

2 NDIDEM 17:39

Edi mbufo ebak Jehovah Abasi mbufo; ndien enye eyenyaŋa mbufo osio kpukpru mme asua mbufo ke ubɔk.

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

NEHEMIAH 9:19

ndien akwa mbɔm fo iyakke fi ɔkpɔŋ mmɔ ke wilderness: adaha obubit enyɔŋ idorokede ikpɔŋ mmɔ ke uwemeyo, itre ndida mmɔ usuŋ; adaha ikaŋ inyuŋ idorokede ke okoneyo itre ndiŋwaŋa usuŋ eke mmɔ esaŋade ke esit nnɔ mmɔ.

ŊWED MME PSALM 136:24

Onyuŋ afabarede nnyin osio mme asua nnyin ke ubɔk: koro ima esie odude ke nsinsi.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

OBADIAH 1:21

Ndien mbon eke enyaŋade eyedɔk ke obot Zion, edikpe ikpe obot Esau, ndien Jehovah eyeda ubɔŋ.

JUDGES 2:18

Ndien adaŋemi Jehovah anamde mme ebierikpe edaha eda ɔnɔ mmɔ, Jehovah odu ye ebierikpe oro, onyuŋ anyaŋa mmɔ osio ke ubɔk mme asua mmɔ, ke ofuri eyo ebierikpe oro: koro mbɔm anamde Jehovah, ke ini mmɔ esemede ebaŋa mmɔ eke etukde mmɔ enyuŋ efikde mmɔ.