NEHEMIAH 9:25 - Edisana ñwed Abasi Ibom

²⁵ Ndien mmɔ eda obio ibibene ekɔŋ, ye isɔŋ isek, enyuŋ enyene ufɔk emi kpukpru oruk nti ŋkpɔ eyɔhɔde ke esit, obube mmɔŋ emi eketibide, ye iŋwaŋ-vine, ye iŋwaŋ-olive, ye ediwak eto mfri eke ediade. Ndien mmɔ edia eyuhɔ, enyuŋ ekponi, enyuŋ edat esit ke akwa mfɔn fo.

NEHEMIAH 9:25 ပူးပေါင်းရင်းမြစ်များ

1 NDIDEM 14:9

edi ama anam idiɔk akan kpukpru owo emi ekebemde fi iso edu ama onyuŋ aka akanam abasi eŋwen, ye editara mbiet, onyuŋ ayat mi esit, onyuŋ emen mi ɔduɔk ke edem fo.

1 NDIDEM 8:66

Ke ɔyɔhɔ usen itiaita enye ayak mbon oro enyɔŋɔ: ndien mmɔ ekɔm edidem, enyuŋ enyɔŋɔ ke mme tent mmɔ, edat esit enyuŋ enem esit ebaŋa kpukpru mfɔn emi Jehovah ɔkɔfɔnde David owo esie, ye Israel ikɔt esie.

NEHEMIAH 9:35

Ndien mmɔ ikanamke ŋkpɔ fo ke obio mmɔ, ye ke akamba mfɔn oro afo ɔkɔnɔde mmɔ, ye ke akamba isɔŋ isek emi afo okonimde ke iso mmɔ, mmɔ inyuŋ ikabakede ikpɔŋ mme idiɔk utom mmɔ.

ŊWED MME PSALM 105:44

onyuŋ ɔnɔ mmɔ isɔŋ mme idut; ndien mmɔ eda utom mme obio enyene:

ŊWED MME PSALM 65:11

Afo amada anyanya ufɔn fo ayara isua; mme isaŋ fo enyuŋ etɔi isek.

MME ŊKE 30:9

Mbak ndiyuhɔ, ndien ŋkaŋ fi, ndien ndɔhɔ nte, Anie edi Jeho-vah? Mbak ndinyuŋ mbuene, ndien nyip inɔ, nnyuŋ nsuene enyiŋ Abasi mi.

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

ISAIAH 63:7

Nyebuk ima Jehovah, ye itoro Jehovah, kpa nte asaŋade ke kpukpru se Jehovah akanamde ye nnyin, nte onyuŋ asaŋade ke akwa mfɔn ufɔk Jacob, emi enye ɔkɔfɔnde ye mmɔ, ekem ye mbɔm esie, ye ke uwak ima esie.

JEREMIAH 2:7

Ndien ŋkada mbufo nduk ke isɔŋ enyene eti iŋwaŋ, nte edia mfri esie ye mfɔn esie: ndien mbufo eduk edisabare isɔŋ mi, enyuŋ enim udeme mi ke ŋkpɔ mbubiam.

JEREMIAH 31:14

Nyenyuŋ nnɔ mme oku ikpɔŋ unam eyuhɔ, ikɔt mi eyenyuŋ edia mfɔn mi eyuhɔ: ke edi Jehovah ɔdɔhɔ.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

DANIEL 11:24

Enye eyesaŋa suŋ oduk ke ata eti ubak esien ŋko; onyuŋ anam se mme ete esie ekenam minamke, ye mme ete ete esie; enye eyeda mbume ye ŋkpɔ ŋwo ye inyene asuan ɔnɔ mmɔ: eyenyuŋ ekere ekikere esie abaŋa mkpɔsɔŋ ebiet mmɔ, tutu osim ndusuk ini.

HOSEA 13:6

Adaŋa nte ebɔkde mmɔ, mmɔ eyuhɔ; ndien emenere esit mmɔ ke enyɔŋ; oro esin mmɔ efre mi.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

DEUTERONOMY 3:5

Kpukpru obio emi enyene ŋkokoŋo ibibene, ye itim, ye eto usin-usuŋ; ekɔrɔ ye obio iŋwaŋ ata ediwak.

DEUTERONOMY 32:13

Enye anam enye odoro unam asaŋa ke ŋkokoŋo ebiet, isɔŋ, onyuŋ adia mbuŋwum ŋkpɔ iŋwaŋ; onyuŋ osio aran-ɔkwɔk ke itiat ɔnɔ enye awap, ye aran ke itiat flint;

DEUTERONOMY 32:14

edibari mmɔŋ eba enaŋ, ye mmɔŋ-eba ŋkpri ufene, ye ikpɔŋ nditɔ erɔŋ, ye okukim oruk Bashan, ye okpo ebot, ye wheat ikpɔŋ ekput; afo onyuŋ ɔŋwɔŋ iyip grape, kpa wine.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.