NEHEMIAH 9:23 - Edisana ñwed Abasi Ibom

²³ Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

NEHEMIAH 9:23 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

GENESIS 15:5

Ndien enye ada enye ɔwɔrɔ ke edem esa, ete, Nam se enyɔŋ ko, nyuŋ bat ntantafiɔŋ, edieke afo ekemede ndibat mmɔ: onyuŋ ɔdɔhɔ enye ete, Ntem ke ubon fo editie.

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

1 CHRONICLES 27:23

Edi David ibatke mmɔ eke edide isua edip, ye mmɔ eke misimke oro: koro Jehovah ɔkɔdɔhɔde, ete ke imɔ iyenam Israel ewak nte ntantafiɔŋ enyɔŋ.

EXODUS 1:12

Edi adaŋa nte efikde mmɔ, ntre ke mmɔ edediɔŋ ewak, enyuŋ etɔt. Ntem ke nditɔ Israel enyene mmɔ ndik.

EXODUS 1:7

Ndien nditɔ Israel etɔt, enyuŋ esiaha, enyuŋ ewak, enyuŋ esɔŋ eti-eti; ndien mmɔ eyɔhɔ ke isɔŋ oro.

DEUTERONOMY 28:62

Ndien mbufo eyesuk owo esisit eti-eti, emi mbufo ekewakde nte ntanta-ɔfiɔŋ ke enyɔŋ; koro afo mukonyimeke ndikop uyo Jehovah Abasi fo.