NEHEMIAH 9:20 - Edisana ñwed Abasi Ibom

²⁰ Afo onyuŋ ɔnɔ mmɔ eti spirit fo man anam mmɔ efiɔk ŋkpɔ, unyuŋ usioho mmɔ manna fo ke inua ufep, onyuŋ ɔnɔ mmɔ mmɔŋ ke ini nsat-itɔŋ mmɔ.

NEHEMIAH 9:20 ပူးပေါင်းရင်းမြစ်များ

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ŊWED MME PSALM 105:41

Enye asiak itiat, ndien mmɔŋ otop ɔwɔrɔ; ndien asaŋa ke edisat ebiet nte akpa.

ŊWED MME PSALM 143:10

Teme mi ndinam se afo amade: koro afo edide Abasi mi: spirit fo ɔmɔfɔn, yak enye ada mi aka ke isɔŋ edinen ido.

EXODUS 16:15

Ndien adaŋemi nditɔ Israel ekutde, mmɔ edɔhɔ kiet ye kiet ete, Emi edi nso? koro mmɔ mifiɔkke se idide. Ndien Moses ete mmɔ, Ke edi udia emi Jehovah ɔnɔde mbufo ete edia.

EXODUS 16:35

Ndien nditɔ Israel edia manna oro ke ofuri isua aba, tutu mmɔ esim ke isɔŋ eke owo eduŋde: mmɔ edia manna oro tutu osim ke adaŋa isɔŋ Canaan.

EXODUS 16:4

Ndien Jehovah ɔdɔhɔ Moses ete, Sese ami mmɔŋ nnam udia oto ke enyɔŋ edep ɔnɔ mbufo; ndien yak kpukpru owo ewɔŋɔ kpukpru usen, ekewobi se ikemde ke usen oro, man ndomo mmɔ, mme mmɔ eyesaŋa ke mbet mi, mme idisaŋake.

EXODUS 17:3

Ndien itɔŋ mmɔŋ asat mmɔ do; ndien mmɔ esuk Moses uyo, ete, Nsinam afo osiode nnyin ntem ke Egypt ada ɔdɔk ete iwot nnyin, ye nditɔ nnyin, ye ufene nnyin ke nsat-itɔŋ?

EXODUS 17:6

Sese ami mmɔŋ mbem fi iso nda do ke akamba itiat oro ke Horeb; ndien afo oyibi itiat oro, ndien mmɔŋ eyewɔrɔ ke esit, man kpukpru owo eŋwɔŋ. Ndien Moses anam ntre ke iso mbiowo Israel.

ISAIAH 48:21

Ndien itɔŋ ikasatke mmɔ ke wilderness, eke enye akadade mmɔ asaŋa ke esit: enye osio mmɔŋ ke akwa itiat ɔnɔ mmɔ: onyuŋ asiak akwa itiat, ndien mmɔŋ ɔwɔrɔ ke esit.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

HAGGAI 2:5

emi edi uyo oro ŋkodiomide ye mbufo, ke ini oro mbufo eketode ke Egypt ewɔŋɔ, ndien spirit mi ke osuk ebigi ke ufɔt mbufo: mbufo ekufehe ndik.

NUMBERS 11:17

Ndien nyesuhɔre ndidɔhɔ ye afo do: nyenyuŋ nda ubak spirit emi esinede fi ke idem, nsin mmɔ ke idem; ndien mmɔ eyetiene fi ebiom mbiomo mbio emi, man afo okubiom ke idem fo ikpɔŋ:

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

ŊWED MBON ROME 15:30

Edi mmekpe mbufo ubɔk, nditɔ-ete, ke enyiŋ Ɔbɔŋ nnyin Jesus Christ ye ke ima emi Spirit esinde nnyin ke esit, nte mbufo etiene mi eŋwana ebɔŋ akam enɔ Abasi ebaŋa mi;

1 ŊWED CORINTH 10:3

kpukpru enyuŋ edia oruk udia eke spirit kiet, enyuŋ eŋwɔŋ ediŋwɔŋkpɔ eke spirit kiet;

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

JOSHUA 5:12

ke idem usen oro. Ekem manna etre ke edem usen nte mmɔ ema ekedia mbuŋwum isɔŋ oro; nditɔ Israel inyuŋ ikwe aba manna; edi mmɔ edia mbuŋwum isɔŋ Canaan ke isua oro.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.