NEHEMIAH 9:19 - Edisana ñwed Abasi Ibom

¹⁹ ndien akwa mbɔm fo iyakke fi ɔkpɔŋ mmɔ ke wilderness: adaha obubit enyɔŋ idorokede ikpɔŋ mmɔ ke uwemeyo, itre ndida mmɔ usuŋ; adaha ikaŋ inyuŋ idorokede ke okoneyo itre ndiŋwaŋa usuŋ eke mmɔ esaŋade ke esit nnɔ mmɔ.

NEHEMIAH 9:19 ပူးပေါင်းရင်းမြစ်များ

NEHEMIAH 9:12

Ndien ŋko afo ada mmɔ usuŋ ke adaha obubit enyɔŋ ke uwemeyo; ye ke adaha ikaŋ ke okoneyo, ndiŋwaŋa ɔkpɔ-usuŋ eke mmɔ esaŋade ke esit nnɔ mmɔ.

NEHEMIAH 9:27

Mmɔdo afo ekesinde mmɔ ke ubɔk mme asua mmɔ, eke efikde mmɔ. Ekem mmɔ eseme enɔ fi ke ini nnan-enyin mmɔ, afo onyuŋ etie ke enyɔŋ okop; ndien uwak mbɔm fo esin fi ɔnɔ mmɔ mme andi-nyaŋa eke enyaŋade mmɔ esio mme asua mmɔ ke ubɔk.

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ŊWED MME PSALM 106:45

onyuŋ eti ediomi esie ɔnɔ mmɔ, onyuŋ atua mmɔ mbɔm ke uwak ima esie.

ŊWED MME PSALM 136:16

(Ekɔm) enye emi akadade ikɔt esie usuŋ ke wilderness: koro ima esie odude ke nsinsi.

EXODUS 40:36

Ndien adaŋemi obubit enyɔŋ odororede ke ebiet-iduŋ efep, nditɔ Israel edaŋa eka ke kpukpru isaŋ mmɔ:

EXODUS 40:38

Koro obubit enyɔŋ Jehovah odorode ke ebiet-iduŋ ke uwem-eyo, ikaŋ onyuŋ odoro ke esit ke okoneyo, ke iso ofuri ufɔk Israel, ke ofuri isaŋ mmɔ.

ISAIAH 44:21

Ti ŋkpɔ emi, O Jacob, ye Israel; koro afo edide owo mi: mma mbot fi; afo edi owo mi: O Israel, ndifreke fi.

ŊWED ESEME 3:22

Ima Jehovah esin nnyin ikutak, koro mbom esie mikureke.

EZEKIEL 20:14

Ndien nnam ntre mbaŋa enyiŋ mi, man ekusabare enye ke enyin mme idut emi ŋkosiode mmɔ ke esit ke enyin mmɔ.

EZEKIEL 20:17

Ndien enyin mi akatua mmɔ mbɔm; ndien nsoboke mmɔ, nnyuŋ mmaŋa ye mmɔ ke wilderness.

EZEKIEL 20:22

Ndien ŋkabare ubɔk mi nnyuŋ nnam ntre mbaŋa enyiŋ mi, man ekusabare enye ke enyin mme idut, emi ŋkosioŋode ke enyin mmɔ mfep.

DANIEL 9:18

O Abasi mi, kpaŋ utɔŋ fo, nyuŋ kop; tat enyin fo, nyuŋ se ŋwure nnyin, ye obio emi ekerede enyiŋ fo: koro nnyin minimke mkpe-ubɔk nnyin ke iso fo, ibaŋa nti ido idem nnyin, edi ibaŋa ediwak mbɔm fo.

DANIEL 9:9

Ɔbɔŋ Abasi nnyin emenyene esit mbɔm ye eridahado, koro nnyin isɔŋde ibuot ye enye;

MALACHI 3:6

Koro ami ndide Jehovah, ŋkpuhɔkede; ndien isoboke mbufo nditɔ Jacob ima.

NUMBERS 14:14

ɔdɔk;) Ema enyuŋ etiŋ enɔ mmɔ emi eduŋde ke edem emi: mmɔ ema ekekop ete ke afo Jehovah ama ayarare idem fo ke enyin mmɔ, ete ke obubit enyɔŋ fo onyuŋ adada mmɔ ke enyɔŋ; ke afo onyuŋ ebem mmɔ iso asaŋa ke adaha ikaŋ ke okoneyo.

DEUTERONOMY 8:2

Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.