NEHEMIAH 9:17 - Edisana ñwed Abasi Ibom

¹⁷ inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

NEHEMIAH 9:17 ပူးပေါင်းရင်းမြစ်များ

1 NDIDEM 6:13

osu ɔnɔ fi; nyenyuŋ nduŋ ke otu nditɔ Israel; ndinyuŋ ŋkpɔŋke Israel ikɔt mi.

1 NDIDEM 8:57

Yak Jehovah Abasi nnyin akam odu ye nnyin, kpa nte enye okodude ye mme ete nnyin: yak enye okukpɔŋ nnyin,

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

EZRA 9:9

Koro nnyin idide ifin; edi Abasi nnyin ikɔkpɔŋke nnyin ke itie ufin nnyin, edi ama anyan ubɔk ɔnɔ nnyin ke iso ndidem Persia, onyuŋ edemere nnyin, man ineŋere ufɔk Abasi nnyin, inyuŋ idiɔŋ ŋwure esie, man enye onyuŋ ɔnɔ nnyin ibibene ke Judah, ye ke Jerusalem.

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ŊWED MME PSALM 106:13

Mmɔ esɔp ndifre se enye akanamde; mmɔ ibetke item esie.

ŊWED MME PSALM 106:7

Mme ete nnyin ke Egypt iketimke ikere mme utibe ŋkpɔ fo; mmɔ itihi uwak ŋkpɔ ima fo; edi esɔŋ ibuot ke inyaŋ, kpa Ididuot Inyaŋ.

ŊWED MME PSALM 130:4

Koro eridahado enyenede fi, man eteŋe fi.

ŊWED MME PSALM 78:10

Mmɔ inimke ediomi Abasi; edi esin ndisaŋa ke mbet esie.

ŊWED MME PSALM 78:11

Mmɔ enyuŋ efre se enye akanamde, ye mme utibe ŋkpɔ esie emi enye okowutde mmɔ.

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

EXODUS 32:9

Jehovah onyuŋ ɔdɔhɔ Moses, ete, Mmokut mbio emi, ndien sese, mmɔ edi mbon nsɔŋ-ibuot:

MME ŊKE 1:24

Koro ami ŋkokotde, ndien mbufo esin; ŋkanyan ubɔk mi, ndien baba owo kiet eke esede iduhe;

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

EZEKIEL 5:6

Edi enye eneni mme item mi, onyuŋ anam idiɔk akan mme idut, eneni mme ewuhɔ mi akan mme obio emi ekande enye ekuk: koro mmɔ esinde mme item mi, minyuŋ isaŋake ke mme ewuhɔ mi.

DANIEL 9:9

Ɔbɔŋ Abasi nnyin emenyene esit mbɔm ye eridahado, koro nnyin isɔŋde ibuot ye enye;

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

LEVITICUS 26:44

Edi okposuk edidi ntre, ke ini mmɔ edidude ke isɔŋ mme asua mmɔ, ndiduɔkke mmɔ, ndinyuŋ nsuaha mmɔ, nte nsobode mmɔ fap-fap, nte nnyuŋ mbiatde ediomi emi ŋkodiomide ye mmɔ: koro ami ndide Jehovah Abasi mmɔ.

NAHUM 1:3

Jehovah isɔpke iyaresit, enye onyuŋ okpon odudu, edi enye idiyakke mme edue-isop ebɔhɔ: usuŋ Jehovah odu ke idio ye ke oyobio, obubit enyɔŋ onyuŋ edi obu ukot esie.

NUMBERS 14:11

Jehovah onyuŋ ɔdɔhɔ Moses, ete, Adaŋa didie ke mbio emi edisin mi ke ndek? Ke adaŋa ewe ini ke mmɔ edinim uyo mi ke akpanikɔ? ebaŋa kpukpru mme utibe ŋkpɔ emi ŋkanamde ke otu mmɔ?

NUMBERS 14:41

Ndien Moses ete, Nsinam mbufo mikopke uyo Jehovah ntem? Edi mbufo idikwe unen.

NUMBERS 16:14

Afo uka unyuŋ udaha nnyin uduk ke isɔŋ emi ɔfiɔrɔde mmɔŋ-eba ye aran-ɔkwɔk, uka unyuŋ unɔŋɔ nnyin iŋwaŋ ye iŋwaŋ vine ŋko inyene: nte afo oyom nditibi mbon emi enyin? Nnyin idige.

UTOM MME APOSTLE 7:39

Edi mme ete nnyin inyimeke ndisuk ibuot nnɔ enye, edi enuk enye efep ɔkpɔŋ mmɔ, ewɔŋɔre efiak eka Egypt ke esit mmɔ, enyuŋ edɔhɔ Aaron ete,

ŊWED MBON ROME 9:15

Nsa nnyin O! Koro Enye ɔdɔhɔ Moses ete, Nyetua owo mbɔm eke ntuade, nyenyuŋ mfɔn ye owo eke mfɔnde.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.