NEHEMIAH 9:16 - Edisana ñwed Abasi Ibom

¹⁶ Edi mmɔ ye mme ete nnyin eseri iseri, enyuŋ esɔŋ obot itɔŋ mmɔ, inyuŋ inimke mbet fo,

NEHEMIAH 9:16 ပူးပေါင်းရင်းမြစ်များ

2 NDIDEM 17:14

Ndien mmɔ inyimeke ndikop, edi esɔŋ obot itɔŋ mmɔ nte itɔŋ mme ete mmɔ, emi mikenimke uyo Jehovah Abasi mmɔ ke akpanikɔ.

2 CHRONICLES 29:6

Koro mme ete nnyin ekeduede, enyuŋ enam idiɔk ke iso Jehovah Abasi nnyin, enyuŋ ekpɔŋ enye, enyuŋ ewɔŋɔre iso mmɔ ekpɔŋ ebiet iduŋ Jehovah, enyuŋ ekpa edem.

2 CHRONICLES 30:8

Mbufo ekusɔŋ, ndien, obot-itɔŋ mbufo, nte mme ete mbufo, edi esuk idem enɔ Jehovah, enyuŋ edi ke edisana ebiet esie, emi enye anamde asana ke nsinsi: enyuŋ enam ŋkpɔ Jehovah Abasi mbufo, man ikaŋ iyaresit esie ɔwɔŋɔre ɔkpɔŋ mbufo.

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

NEHEMIAH 9:10

afo okonyuŋ owut idiɔŋɔ ye utibe ŋkpɔ ke idem Pharaoh, ye ke idem kpukpru ikɔt esie, ye ke eke kpukpru mbio-obio esie: koro afo ɔfiɔkde ete ke mmɔ ekeseri iseri ye mmɔ. Ntre ke afo akanam enyiŋ ɔnɔ idem fo kpa nte edide mfin emi.

NEHEMIAH 9:29

Ndien afo asua ɔnɔ mmɔ, man anam mmɔ efiak ke ibet fo: edi mmɔ eseri iseri, inyuŋ ikopke ibet fo, edi edue mme item fo, eke owo eke anamde mmɔ edidude uwem ke esit; mmɔ enyuŋ enim afara emiom-emiom, enyuŋ esɔŋ obot itɔŋ mmɔ, inyuŋ ikopke.

ŊWED MME PSALM 106:6

Nnyin imetiene mme ete nnyin inam idiɔk; imanam ukwaŋŋkpɔ, imanam idiɔk.

ŊWED MME PSALM 81:8

Mbufo ikɔt mi ekop, ndien nyewuk mbufo: O Israel, mbufo ema ekop uyo mi;

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 32:9

Jehovah onyuŋ ɔdɔhɔ Moses, ete, Mmokut mbio emi, ndien sese, mmɔ edi mbon nsɔŋ-ibuot:

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

ISAIAH 48:4

Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

EZEKIEL 5:6

Edi enye eneni mme item mi, onyuŋ anam idiɔk akan mme idut, eneni mme ewuhɔ mi akan mme obio emi ekande enye ekuk: koro mmɔ esinde mme item mi, minyuŋ isaŋake ke mme ewuhɔ mi.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

DEUTERONOMY 31:27

Koro ami mmɔfiɔk nsɔŋ-ibuot fo, ye itun fo: kam sese, ke ami ndodu uwem ye mbufo mfin emi, mbufo esɔŋ ibuot ye Jehovah: ŋwaŋwa ediso adaŋemi ndikpade!

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 9:13

Ndien Jehovah ɔdɔhɔ mi, ete, Mmokut mbio emi, ndien, sese, mmɔ edi mbon nsɔŋ-ibuot:

DEUTERONOMY 9:27

Ti ikɔt fo, Abraham, ye Isaac, ye Jacob; kuse nsɔŋ-ibuot mbon emi, ye mme idiɔk ido mmɔ, ye mme ukwaŋkpɔ mmɔ:

DEUTERONOMY 9:6

Fiɔk, ndien, ete idige eti ido fo esin Jehovah Abasi fo ɔnɔ fi eti isɔŋ emi enyene; koro mbufo edide mbon nsɔŋ-ibuot.

MME HEBREW 3:13

Edi enɔ kiet eken item kpukpru usen adaŋa nte ini ekerede mfin mbak, idiɔk-ŋkpɔ edida abiaŋa esie ɔsɔŋ owo ekededi ke otu mbufo esit:

MME HEBREW 3:15

ke adaŋemi edɔhɔde ete, Mfin, edieke mbufo edikopde uyo Esie, Ekusɔŋ esit mbufo, nte mmɔ ekesɔŋde ke ini mmɔ eyatde Abasi esit.