NEHEMIAH 9:15 - Edisana ñwed Abasi Ibom

¹⁵ onyuŋ ɔnɔ mmɔ udia emi otode ke enyɔŋ ke ini ɔbiɔŋ mmɔ, onyuŋ osio mmɔŋ ke itiat ɔnɔ mmɔ ke ini nsat-itɔŋ mmɔ, onyuŋ ɔdɔhɔ mmɔ, ete eyeduk ekeda isɔŋ oro afo ɔkɔŋwɔŋɔde, ete iyenɔ mmɔ.

NEHEMIAH 9:15 ပူးပေါင်းရင်းမြစ်များ

GENESIS 14:22

Ndien Abram ɔdɔhɔ edidem Sodom, ete, Mma mmen ubɔk nnɔ Jehovah, Abasi Ibom, andinyene

NEHEMIAH 9:20

Afo onyuŋ ɔnɔ mmɔ eti spirit fo man anam mmɔ efiɔk ŋkpɔ, unyuŋ usioho mmɔ manna fo ke inua ufep, onyuŋ ɔnɔ mmɔ mmɔŋ ke ini nsat-itɔŋ mmɔ.

ŊWED MME PSALM 114:8

emi akabarede akwa itiat edi mkpɔdiɔhɔ-mmɔŋ, akabare afransi edi idim mmɔŋ.

EXODUS 16:4

Ndien Jehovah ɔdɔhɔ Moses ete, Sese ami mmɔŋ nnam udia oto ke enyɔŋ edep ɔnɔ mbufo; ndien yak kpukpru owo ewɔŋɔ kpukpru usen, ekewobi se ikemde ke usen oro, man ndomo mmɔ, mme mmɔ eyesaŋa ke mbet mi, mme idisaŋake.

EXODUS 17:3

Ndien itɔŋ mmɔŋ asat mmɔ do; ndien mmɔ esuk Moses uyo, ete, Nsinam afo osiode nnyin ntem ke Egypt ada ɔdɔk ete iwot nnyin, ye nditɔ nnyin, ye ufene nnyin ke nsat-itɔŋ?

EXODUS 17:6

Sese ami mmɔŋ mbem fi iso nda do ke akamba itiat oro ke Horeb; ndien afo oyibi itiat oro, ndien mmɔŋ eyewɔrɔ ke esit, man kpukpru owo eŋwɔŋ. Ndien Moses anam ntre ke iso mbiowo Israel.

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

ISAIAH 48:21

Ndien itɔŋ ikasatke mmɔ ke wilderness, eke enye akadade mmɔ asaŋa ke esit: enye osio mmɔŋ ke akwa itiat ɔnɔ mmɔ: onyuŋ asiak akwa itiat, ndien mmɔŋ ɔwɔrɔ ke esit.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

EZEKIEL 20:15

Ami ŋko nnyuŋ mmenere ubɔk mi nnɔ mmɔ ke wilderness, nte ke ndidaha mmɔ nduk ke isɔŋ emi ŋkɔnɔde mmɔ, emi ɔfiɔrɔde mmɔŋ-eba ye aran-ɔkwɔk; enye eyekan kpukpru mme idut;

NUMBERS 14:30

ke akpankɔ mbufo ididukke ke isɔŋ emi ŋkɔŋwɔŋɔde nte nyenam mbufo eduŋ ke esit, ke mibɔhɔke Caleb eyen Jephunneh, ye Joshua eyen Nun.

DEUTERONOMY 1:21

Sese Jehovah Abasi fo omonim isɔŋ oro ke iso fo: dɔk kada enye nyene, kpa nte Jehovah Abasi mme usɔ ɔkɔdɔhɔde fi; kufehe, kunyuŋ uduɔ esit.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.