NEHEMIAH 9:11 - Edisana ñwed Abasi Ibom

¹¹ Ndien afo abakhare inyaŋ ke iso mmɔ, ndien mmɔ esaŋa ke ufɔt inyaŋ ke nsat-isɔŋ ebe; afo onyuŋ emen mme andibine mmɔ ɔduɔk ke udem, nte itiat ke akamba mmɔŋ.

NEHEMIAH 9:11 ပူးပေါင်းရင်းမြစ်များ

ŊWED MME PSALM 66:6

Enye ama akabare akwa mmɔŋ anam asat: mmɔ eda ikpat esaŋa ke akwa mmɔŋ ebe: do ke nnyin idara enye.

ŊWED MME PSALM 78:13

Enye abahare inyaŋ, onyuŋ ada mmɔ ebe; onyuŋ okubi mmɔŋ nte ibombom.

EXODUS 14:14

Jehovah eyeŋwana ekɔŋ ɔnɔ mbufo, edi mbufo ekam edop uyo.

EXODUS 14:25

onyuŋ osioŋo mme wheel chariot mmɔ, onyuŋ anam mmɔ esaŋa nuɔn-nuɔn: ndien nditɔ Egypt edɔhɔ ete, Yak nnyin ifehe ikpɔŋ Israel; koro Jehovah aŋwaŋade ekɔŋ ye nditɔ Egypt ɔnɔ mmɔ.

EXODUS 14:29

Edi nditɔ Israel esaŋa ke edisat isɔŋ ke ufɔt inyaŋ ebe; mmɔŋ onyuŋ ada mmɔ nte ibibene ke ubɔk nnasia ye ke ubɔk ufien.

JEREMIAH 32:20

emi okonimde mme idiɔŋɔ ye mme utibe ŋkpɔ ke isɔŋ Egypt tutu osim mfin emi, ye ke Israel, ye ke otu owo efen, onyuŋ anam enyiŋ ɔnɔ idem fo, kpa nte edide mfin emi;

1 ŊWED CORINTH 10:1

KORO mmaŋa mbufo etre ndifiɔk, nditɔ-ete, ete kpukpru mme ete nnyin ema edu ke idak obubit enyɔŋ, mmɔ kpukpru enyuŋ esaŋa ke ufɔt inyaŋ ebe;

MME HEBREW 11:29

Oto mbuɔtidem mmɔ esaŋa ke Ididuot Inyaŋ ebe, nte owo ebe ke edisat isɔŋ; ndien, ke ini mbon Egypt edomode ndinam kpasuk ntre, mmɔ esomo ke mmɔŋ.

ERIYARARE 18:21

Ekem ŋkpɔsɔŋ angel emen itiat emi etiede nte akwa itiat ukɔk-ibokpot, ɔduɔk ke inyaŋ, onyuŋ ɔdɔhɔ ete, Ntem ke edisio akwa obio Babylon eduɔk ke ɔkpɔsɔŋ iduɔ, ndien idikwe enye aba.