NEHEMIAH 9:10 - Edisana ñwed Abasi Ibom

¹⁰ afo okonyuŋ owut idiɔŋɔ ye utibe ŋkpɔ ke idem Pharaoh, ye ke idem kpukpru ikɔt esie, ye ke eke kpukpru mbio-obio esie: koro afo ɔfiɔkde ete ke mmɔ ekeseri iseri ye mmɔ. Ntre ke afo akanam enyiŋ ɔnɔ idem fo kpa nte edide mfin emi.

NEHEMIAH 9:10 ပူးပေါင်းရင်းမြစ်များ

NEHEMIAH 9:16

Edi mmɔ ye mme ete nnyin eseri iseri, enyuŋ esɔŋ obot itɔŋ mmɔ, inyuŋ inimke mbet fo,

NEHEMIAH 9:29

Ndien afo asua ɔnɔ mmɔ, man anam mmɔ efiak ke ibet fo: edi mmɔ eseri iseri, inyuŋ ikopke ibet fo, edi edue mme item fo, eke owo eke anamde mmɔ edidude uwem ke esit; mmɔ enyuŋ enim afara emiom-emiom, enyuŋ esɔŋ obot itɔŋ mmɔ, inyuŋ ikopke.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

EXODUS 18:11

Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ.

EXODUS 3:20

Ndien nyenyanare ubɔk mi mmia Egypt ke kpukpru mme utibe ŋkpɔ mi emi ndinamde ke otu mmɔ: ndien amanam enye eyesana mbufo ayak.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

EXODUS 7:1

NDIEN Jehovah ɔdɔhɔ Moses, ete, Sese, mmonim fi ke Abasi nnɔ Pharaoh: ndien Aaron eyen-uka eyedi prophet fo.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

ISAIAH 42:20

Afo omokut ediwak ŋkpɔ, edi udunimke; ke esirere utɔŋ, edi idikopke.

ISAIAH 63:12

Emi akadade nnasia Moses, ye ubɔk ubɔŋ esiemɔ, eteme mmɔ usuŋ, asiak mmɔŋ ke iso mmɔ, man anam nsisni enyiŋ ɔnɔ idem esie;

ISAIAH 63:14

Kpa nte ikpɔ ufene esuhɔrede ke itihere ebiet, kpa ntre ke Spirit Jehovah edinam enye ɔduɔk odudu: ntem ke afo akada ikɔt fo usuŋ, man anam enyiŋ ubom ɔnɔ idem fo.”

JEREMIAH 32:20

emi okonimde mme idiɔŋɔ ye mme utibe ŋkpɔ ke isɔŋ Egypt tutu osim mfin emi, ye ke Israel, ye ke otu owo efen, onyuŋ anam enyiŋ ɔnɔ idem fo, kpa nte edide mfin emi;

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 9:15

Ke emi ndien, O Ɔbɔŋ Abasi nnyin, emi akadade ɔkpɔsɔŋ ubɔk osio ikɔt fo ke isɔŋ Egypt efep, okonyuŋ ɔwɔrɔde etop, kpa nte mfin emi; nnyin imɔdiɔk, imanam idiɔk.

UTOM MME APOSTLE 7:36

Owo emi ada mmɔ ɔwɔrɔ, ke ama akanam mme utibe-ŋkpɔ ye mme idiɔŋɔ ke Egypt ye ke Ididuot Inyaŋ, ye ke desert ke isua aba.

ŊWED MBON ROME 9:17

Koro Ŋwed Abasi ɔdɔhɔ Pharaoh ete, Edi emi ekesin Mi nnim fi Man nda fi ŋwut odudu Mi, Man enyuŋ etaŋa enyiŋ Mi ke ofuri isɔŋ.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

DEUTERONOMY 7:19

ikpɔ ndomo emi enyin fo okokutde, ye mme idiɔŋɔ, ye mme utibe ŋkpɔ, ye ɔkpɔsɔŋ ubɔk, ye edimenere ubɔk, emi Jehovah Abasi fo akadade osio fi; kpasuk ntre ke Jehovah Abasi fo edinam ye kpukpru mme idut emi ndik mmɔ edinamde fi.

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.