NEHEMIAH 9:1 - Edisana ñwed Abasi Ibom

¹ EKEM ke ɔyɔhɔ usen edip ye inaŋ ke ɔfiɔŋ emi, nditɔ Israel esop idem etre udia, esine ɔfɔŋ-ikpo, ntan onyuŋ odoro mmɔ ke idem.

NEHEMIAH 9:1 ပူးပေါင်းရင်းမြစ်များ

2 SAMUEL 1:2

edikem ke ɔyɔhɔ usen ita sese, owo kiet oto ke na-ekɔŋ emi Saul odude, edi ndien edisine-ŋkpɔ esie ewaha, ntɔŋ onyuŋ odoro enye ke ibuot: edikem ke adaŋemi enye osimde David, enye ɔduɔ ke isɔŋ atuak ibuot.

2 CHRONICLES 20:3

Ndien Jehoshaphat edikhe, onyuŋ akabare iso oyom Jehovah, onyuŋ ɔkwɔrɔ utre-udia ke ofuri Judah.

2 CHRONICLES 7:10

Ekem ke ɔyɔhɔ usen edip ye ita, ke ɔyɔhɔ ɔfiɔŋ itiaba, enye ayak kpukpru owo enyɔŋ ke tent mmɔ, ke edara enyuŋ enem esit ke mfɔn emi Jehovah ɔkɔfɔnde ɔnɔ David, ye Solomon, ye Israel ikɔt esie.

EZRA 8:21

Ndien ŋkwɔrɔ utre-udia do ke mben akpa Ahava, man nnyin ituk idem nnyin ke iso Abasi nnyin, inyuŋ ibeŋe enye edinen usuŋ inɔ idem nnyin, ye nditɔ-wɔŋ nnyin, ye kpukpru inyene nnyin.

EZRA 8:23

Ntem ke nnyin iketre udia, inyuŋ ikpe Abasi nnyin ubɔk ibaŋa ŋkpɔ emi; ndien enye okop ɔnɔ nnyin.

NEHEMIAH 8:2

Ndien Ezra oku ada ŋwed mbet edi ke iso esop iren-owo ye iban, ye eke kpukpru owo eke enyenede ibuot ndikop, ke akpa usen ɔyɔhɔ ɔfiɔŋ itiaba.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

ESTHER 4:3

Ndien ke kpukpru mme province, ke ebiet emi uyo edidem ye ewuhɔ esie esimde, akamba eseme odu ke otu mme Jew, ye utre udia, ye eyet, ye ntuaŋa; ndien ediwak owo ena ke ɔfɔŋ-ikpo ye ntɔŋ.

ŊWED JOB 2:12

Ndien mmɔ eda nsan-nsan emenere enyin mmɔ, edi idiɔŋɔke enye, ndien mmɔ emenere uyo mmɔ etua eyet; ndien kpukpru mmɔ ewak ekura mmɔ, enyuŋ eduɔk ntan ke ibuot mmɔ, ese enyɔŋ.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

LEVITICUS 23:34

Ke ɔyɔhɔ usen efut ke ɔyɔhɔ ɔfiɔŋ itiaba emi ke mbufo edinim ini ataya ke usen itiaba enɔ Jehovah.

LEVITICUS 23:39

Ndien ŋko ke ɔyɔhɔ usen efut ke ɔyɔhɔ ɔfiɔŋ itiaba, adaŋemi mbufo ebonde mbuŋwum iŋwaŋ, mbufo enim usɔrɔ enɔ Jehovah usen itiaba: akpa usen edidi sabbath, ɔyɔhɔ usen itiaita onyuŋ edi sabbath ŋko.

JOSHUA 7:6

Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.

JUDGES 20:26

Ndien kpukpru nditɔ Israel ye kpukpru owo edɔk eka Beth-el eketua eyet, enyuŋ etie do ke iso Jehovah, enyuŋ etre udia ke usen oro, tutu osim mbubreyo: mmɔ enyuŋ ewa edifɔp uwa ye uwa emem ke iso Jehovah.

1 SAMUEL 4:12

Ekem eyen Benjamin kiet oto ke udim-ekɔŋ ɔsɔp itɔk okosim ke Shiloh ke usen oro, ye ŋwaha ɔfɔŋ-idem, ntan onyuŋ odoro enye ke ibuot.

1 SAMUEL 7:6

Ndien mmɔ eka ekesop idem ke Mizpah, enyuŋ ekoi mmɔŋ, eŋwaŋa ke iso Jehovah, enyuŋ etre udia ke usen oro, enyuŋ edɔhɔ do, ete, Nnyin imedue Jehovah. Ndien Samuel ekpe ikpe nditɔ Israel ke Mizpah.