NEHEMIAH 8:9 - Edisana ñwed Abasi Ibom

⁹ Ndien Nehemiah, emi edide Tirshatha, ye Ezra oku, ɔfiɔk-ŋwed, ye mme Levite, emi esiande mbon oro, edɔhɔ kpukpru owo, ete, Mfin emi edi edisana usen Jehovah Abasi mbufo; mbufo ekuseme, ekunyuŋ etua eyet. Koro kpukpru owo etuade eyet, adaŋemi mmɔ ekopde ikɔ mbet oro.

NEHEMIAH 8:9 ပူးပေါင်းရင်းမြစ်များ

2 NDIDEM 22:11

Edikem adaŋemi edidem okopde ikɔ ŋwed ibet oro, enye awai edisine-ŋkpɔ esie.

2 NDIDEM 22:19

koro esit fo ememde, afo onyuŋ ɔsuhɔrede idemfo onim ke iso Jehovah, ke ini afo okopde se nkɔdɔhɔde mbaŋa ebiet emi, ye mme andiduŋ ke esit, nte ke mmɔ edidi ŋwure ye isuŋi, ndien afo ama onyuŋ awai edisine-ŋkpɔ fo, onyuŋ atua eyet ke iso mi; ami ŋko mmokop, Jehovah ɔdɔhɔ.

2 CHRONICLES 15:3

Usen enyuŋ ewak emi Israel minyeneke Abasi akpanikɔ, minyuŋ inyeneke oku eke etemede, minyuŋ inyeneke ŋwed ibet.

2 CHRONICLES 30:22

Ndien Hezekiah ɔdɔhɔ ufan-ufan ye kpukpru mme Levite eke etimde efiɔk eti ifiɔk ŋkpɔ Jehovah: ndien mmɔ edia usɔrɔ ke usen itiaba, ewa uwa ekɔm, enyuŋ etoro Jehovah Abasi mme ete mmɔ.

2 CHRONICLES 34:19

Edidem adaŋemi edidem okopde ikɔ ŋwed ewuhɔ oro, enye awai edisine-ŋkpɔ esiemɔ.

2 CHRONICLES 34:21

Mbufo eka ekebup Jehovah enɔ mi, ye mmɔ emi esuhɔde ke Israel, ye ke Judah, ebaŋa ikɔ ŋwed emi ekutde: koro iyaresit Jehovah emi eŋwaŋade nnyin ke idem omokpon koro mme ete nnyin mikenimke ikɔ Jehovah, minyuŋ inamke kpukpru se ewetde ke ŋwed emi.

2 CHRONICLES 35:3

onyuŋ ɔdɔhɔ mme Levite emi etemede ofuri Israel, emi edide edisana ikɔt Jehovah, ete, Mbufo enim edisana ekebe ke ufɔk emi Solomon eyen David edidem Israel ɔkɔbɔpde; enye idibiomoke aba mbufo ke afara: mbufo ekam enam ŋkpɔ Jehovah Abasi mbufo, ye eke ikɔt esie Israel.

EZRA 2:63

Ndien Tirshatha ɔdɔhɔ mmɔ, ete ekudia ata edisana ŋkpɔ tutu oku ada Urim ye Thummim adaha ada.

EZRA 7:11

Ndien emi edi ŋwed oro ekekaŋade ke eke edidem Artaxerxes ɔnɔde Ezra oku, owo ŋwed oro, owo ŋwed ikɔ mbet Jehovah, ye eke ewuhɔ esie emi enye oko-wukde Israel.

NEHEMIAH 10:1

NDIEN Nehemiah, Tirshatha, eyen Hacaliah, asaŋa ye mmɔ emi efikde ke ufik-ŋwed,

NEHEMIAH 12:26

mme mmɔ emi edu ke eyo Joiakim eyen Jeshua, eyen Jozadak, ye ke eyo Nehemiah andikara, ye eke Ezra oku, ɔfiɔk-ŋwed.

NEHEMIAH 7:65

Ndien Tirshatha ɔdɔhɔ mmɔ, ete ekudia ata edisana ŋkpɔ, tutu oku adaha ada akama Urim ye Thummin.

NEHEMIAH 7:70

Ndien ndusuk mme etubom mme ete eda ŋkpɔ enɔ ke utom. Tirshatha ada tɔsin dram o-gold, ye bason aba ye duop, ye edisine-ŋkpɔ oku ikie ition ye edip ye duop, esin ke ebiet-unim-ŋkpɔ.

NEHEMIAH 8:2

Ndien Ezra oku ada ŋwed mbet edi ke iso esop iren-owo ye iban, ye eke kpukpru owo eke enyenede ibuot ndikop, ke akpa usen ɔyɔhɔ ɔfiɔŋ itiaba.

ECCLESIASTES 3:4

ini eke etuade, ye ini eke esakde; ini eke esemede, ye ini eke enekde;

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

LEVITICUS 23:24

Dɔhɔ nditɔ Israel, ete, ke ɔyɔhɔ ɔfiɔŋ itiaba, ke akpa usen ɔfiɔŋ, ke mbufo edinim sabbath, eke efuride ukorowo enam owo eti, edisana esop.

MALACHI 2:13

Ndien mbufo ke enam ŋkpɔ emi ŋko, ke eda mmɔŋeyet, ye mmum, ye eseme efuk itie-uwa Jehovah, ndien enye isehe aba inuak-udia, inyuŋ imaŋa aba ndibɔ mbufo ke ubɔk. Ndien mbufo edɔhɔ ete, Nsinam?

ŊWED MBON ROME 3:20

koro ikpe iditebeke baba owo kiet ke iso Esie kabaŋa erinam utom ibet, koro ifiɔk idiɔk-ŋkpɔ otode ke ibet.

ŊWED MBON ROME 7:9

Mma ndu uwem tutuko ke ini nnanade ibet: edi ke adaŋemi item edide, idiɔk-ŋkpɔ ɔwɔrɔ owut idem, ndien ami ŋkpa: mmonyuŋ ŋkut nte item,

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

DEUTERONOMY 26:14

ŋkadiaha ke esit ke ukut mi, ŋkoyuŋ nsioho ke esit nnɔ se idehede nnyuŋ nsioho ke esit nnɔ akpa-mkpa: mma ŋkop uyo Jehovah Abasi mi, nnyuŋ nnam kpukpru se afo okowukde mi.

JAMES 4:9

Edu ke nnan-enyin, enyuŋ efuhɔ, enyuŋ etua eyet; eyak imam mbufo akabare edi eseme, idara mbufo onyuŋ akabare edi mfuhɔ.