NEHEMIAH 8:8 - Edisana ñwed Abasi Ibom

⁸ Ntre ke mmɔ etim ekot ŋwed mbet Abasi, enyuŋ esiak, enyuŋ eda se mmɔ ekotde, esian enɔ mmɔ.

NEHEMIAH 8:8 ပူးပေါင်းရင်းမြစ်များ

2 NDIDEM 23:2

Ndien edidem ɔdɔk aka ke ufɔk Jehovah, ye kpukpru owo Judah, ye kpukpru mme andiduŋ Jerusalem ŋko, ye mme oku, ye mme prophet, ye owo akpaimɔ, mbɔ ye mbuot: ndien enye emen kpukpru ikɔ ŋwed ediomi oro ekekutde ke ufɔk Jehovah etiŋ ke utɔŋ mmɔ.

EZRA 4:18

Emetim ekot ŋwed oro mbufo ekenɔde esɔk nnyin, ke iso mi.

NEHEMIAH 8:12

Ndien kpukpru owo eka ndidia ŋkpɔ, nnyuŋ ŋŋwɔŋ, nnyuŋ nnɔ enɔ esɔk owo, nnyuŋ nnam akamba idara: koro mmɔ etimde efiɔk ikɔ emi esiakde enɔ mmɔ.

NEHEMIAH 8:7

Ndien Jeshua, ye Bani, ye Sherebiah, ye Jamin, ye Akkub, ye Shabbethai, ye Hodiah, ye Maaseiah, ye kelita, ye Azariah, ye Jozabad, ye Hanan, ye Pelaiah, ye mme Levite, esian mbon oro ŋwed ibet ndien kpukpru owo edu ke itie mmɔ.

NEHEMIAH 8:9

Ndien Nehemiah, emi edide Tirshatha, ye Ezra oku, ɔfiɔk-ŋwed, ye mme Levite, emi esiande mbon oro, edɔhɔ kpukpru owo, ete, Mfin emi edi edisana usen Jehovah Abasi mbufo; mbufo ekuseme, ekunyuŋ etua eyet. Koro kpukpru owo etuade eyet, adaŋemi mmɔ ekopde ikɔ mbet oro.

NEHEMIAH 9:3

Ndien mmɔ edaha eda ke itie mmɔ, enyuŋ etiŋ ŋwed mbet Jehovah Abasi mmɔ ke ɔyɔhɔ ubak usen inaŋ, ndien ke ɔyɔhɔ ubak usen inaŋ efen, mmɔ eyarare, enyuŋ ebɔŋ akam enɔ Jehovah Abasi mmɔ.

EZEKIEL 46:10

Ndien yak ɔbɔŋ odu ke otu mmɔ; ke ini mmɔ edukde, yak enye oduk: ndien ke ini mmɔ ewɔŋɔde, yak mmɔ ewɔŋɔ (ɔtɔ kiet).

HABAKKUK 2:2

Ndien Jehovah ɔbɔrɔ mi onyuŋ ɔdɔhɔ, ete, Wet ŋkukut emi, nyuŋ kap enye sin ke itiat ŋwed, man andikot enye ɔsɔp ukot.

LUKE 24:27

Ndien Enye ɔtɔŋɔ ke Moses ye kpukpru mme prophet asian se eketiŋde ebaŋa Enye ke Idem Esie ke ofuri Ŋwed Abasi ɔnɔ mmɔ.

LUKE 24:32

Ndien mmɔ edɔhɔ kiet eken ete, Nte esit ikofiopke nnyin, ke ini Enye enemede nneme ye nnyin ke usuŋ, onyuŋ asiakde ikɔ Abasi ɔnɔ nnyin?

LUKE 24:45

Ndien Enye aŋwaŋare mmɔ ikike, man mmɔ efiɔk ikɔ Abasi;

UTOM MME APOSTLE 28:23

Ntre ke mmɔ emek usen enim enɔ enye, enyuŋ esaŋa uwak-uwak edi ke ebiet emi enye odude. Ndien tɔŋɔ usenubɔk tutu mbubreyo, enye aŋwaŋade ŋkpɔ ɔnɔ mmɔ, ɔkwɔrɔ Ubɔŋ Abasi, onyuŋ osioŋo ikɔ ke ibet Moses ye mme-prophet, aŋwana ndiwɔŋɔre mmɔ esit mbaŋa Jesus.