NEHEMIAH 8:16 - Edisana ñwed Abasi Ibom

¹⁶ Ndien kpukpru owo ewɔŋɔ ekeda mmɔ edi, enyuŋ enam ataya ke idem mmɔ, kpukpru owo ke ɔkɔm ufɔk mmɔ, ye ke okure ufɔk Abasi, ye ke aŋwa inua-otop mmɔŋ, ye ke aŋwa inua-otop Ephraim.

NEHEMIAH 8:16 ပူးပေါင်းရင်းမြစ်များ

2 SAMUEL 11:2

Edikem ke ini mbubreyo kiet, David adaha ke bed esie, asaŋa ke enyɔŋ ufɔk edidem: ndien enye ada ke enyɔŋ ufɔk okut ŋwan kiet nte eyerede mmɔŋ: ŋwan oro onyuŋ eye idem eti-eti.

2 NDIDEM 14:13

Jehoash edidem Israel onyuŋ omum Amaziah edidem Judah, eyen Jehoash, eyen Ahaziah, ke Beth-shemesh, ndien mmɔ eka ke Jerusalem, ekewuri ubak ibibene Jerusalem, ɔtɔŋɔde ke inua-otop Ephraim, tutu osim inua-otop ke inuk, ibio-idomo-okuk ikie inaŋ.

2 CHRONICLES 20:5

Ndien Jehoshaphat ada ke esop Judah ye Jerusalem, ke ufɔk Jehovah, ke iso obufa okure, onyuŋ ɔdɔhɔ ete,

2 CHRONICLES 33:5

Enye onyuŋ anam itie-uwa ɔnɔ ofuri udim-enyɔŋ ke okure ufɔk Jehovah mbiba.

NEHEMIAH 12:37

Ndien adaŋemi mmɔ esimde inua-otop idim mmɔŋ emi adade ekem ye mmɔ, edɔk ke udigukot obio David, ke ɔtɔ emi ibibene ɔdɔkde, ke edem ufɔk David enyɔŋ-enyɔŋ, tutu mmɔ esim ke inua-otop mmɔŋ ke edem usiaha-utin.

NEHEMIAH 12:39

ye ke edem inua-otop Ephraim enyɔŋ-enyɔŋ tutu osim ke enyɔŋ akani inua-otop, ye ke enyɔŋ inua-otop iyak, ye tower Hananel, ye tower Hammeah, tutu osim ke inua-otop ŋkpri ufene: ekem mmɔ etuak eda ke inua-otop ufɔk-ukwak.

NEHEMIAH 3:26

Ndien ŋko mme Nethinim eduŋ ke Ophel, tutu ekem ye inua-otop mmɔŋ ese edem usiaha-utin, ye tower emi ɔwɔrɔde ada.

NEHEMIAH 8:1

EKEM kpukpru owo esop idem ɔtɔ kiet, nte owo kiet, ke aŋwa emi odude ke iso inua-otop mmɔŋ; ndien mmɔ edɔhɔ Ezra, ɔfiɔk-ŋwed, ete enye ada ŋwed mbet Moses, emi Jehovah okowukde Israel, edi.

NEHEMIAH 8:3

Ndien enye okot ke esit ke iso aŋwa emi odude ke iso inua-otop mmɔŋ, ɔtɔŋɔde ke usiere tutu osim ufɔt uwemeyo, ke iso iren-owo ye iban, ye mmɔ eke enyenede ibuot: ndien kpukpru owo ekpaŋ utɔŋ enɔ ŋwed mbet.

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

DEUTERONOMY 22:8

Ke adaŋemi afo edibɔpde obufa ufɔk, nam ɔkɔ ke ɔkɔm fo kanade kuk, mbak afo edida iyip odori ufɔk fo, ke owo ekededi editode ke esit ɔduɔ ke isɔŋ.