NEHEMIAH 8:1 - Edisana ñwed Abasi Ibom

¹ EKEM kpukpru owo esop idem ɔtɔ kiet, nte owo kiet, ke aŋwa emi odude ke iso inua-otop mmɔŋ; ndien mmɔ edɔhɔ Ezra, ɔfiɔk-ŋwed, ete enye ada ŋwed mbet Moses, emi Jehovah okowukde Israel, edi.

NEHEMIAH 8:1 ပူးပေါင်းရင်းမြစ်များ

2 NDIDEM 23:2

Ndien edidem ɔdɔk aka ke ufɔk Jehovah, ye kpukpru owo Judah, ye kpukpru mme andiduŋ Jerusalem ŋko, ye mme oku, ye mme prophet, ye owo akpaimɔ, mbɔ ye mbuot: ndien enye emen kpukpru ikɔ ŋwed ediomi oro ekekutde ke ufɔk Jehovah etiŋ ke utɔŋ mmɔ.

2 CHRONICLES 34:15

Ndien Hilkiah ɔbɔrɔ Shaphan andiwet ŋwed, ete, Mmokut ŋwed ewuhɔ ke ufɔk Jehovah.

2 CHRONICLES 34:30

Edidem onyuŋ ɔdɔk ke ufɔk Jehovah, ye kpukpru mbio Judah, ye mme andiduŋ Jerusalem, ye mme oku, ye mme Levite, ye kpukpru owo, ikpɔ ye ŋkpri: ndien enye emen kpukpru ikɔ ŋwed ediomi emi edutde ke ufɔk Jehovah etiŋ ke utɔŋ mmɔ.

EZRA 7:1

EKEM ke ŋkpɔ oro ema ekebe, ke ini ubɔŋ Artaxerxes edidem Persia, Ezra eyen seraiah, eyen Azariah, eyen Hilkiah,

EZRA 7:10

Koro Ezra okowukde esit esie ndiduŋɔ ŋwed ibet Jehovah, nnyuŋ nnam, nnyuŋ nteme ewuhɔ ye ikpe ke Israel.

EZRA 7:11

Ndien emi edi ŋwed oro ekekaŋade ke eke edidem Artaxerxes ɔnɔde Ezra oku, owo ŋwed oro, owo ŋwed ikɔ mbet Jehovah, ye eke ewuhɔ esie emi enye oko-wukde Israel.

EZRA 7:6

enye Ezra oto ke Babylon ɔdɔk, ndien enye edi owo ŋwed emi otimde ɔfiɔk ŋwed ibet Moses, emi Jehovah Abasi Israel ɔkɔnɔde: ndien oto ke ubɔk Jehovah Abasi esie emi odude ye enye, edidem ɔnɔ enye kpukpru se enye ebeŋede.

NEHEMIAH 12:26

mme mmɔ emi edu ke eyo Joiakim eyen Jeshua, eyen Jozadak, ye ke eyo Nehemiah andikara, ye eke Ezra oku, ɔfiɔk-ŋwed.

NEHEMIAH 12:37

Ndien adaŋemi mmɔ esimde inua-otop idim mmɔŋ emi adade ekem ye mmɔ, edɔk ke udigukot obio David, ke ɔtɔ emi ibibene ɔdɔkde, ke edem ufɔk David enyɔŋ-enyɔŋ, tutu mmɔ esim ke inua-otop mmɔŋ ke edem usiaha-utin.

NEHEMIAH 3:26

Ndien ŋko mme Nethinim eduŋ ke Ophel, tutu ekem ye inua-otop mmɔŋ ese edem usiaha-utin, ye tower emi ɔwɔrɔde ada.

NEHEMIAH 8:16

Ndien kpukpru owo ewɔŋɔ ekeda mmɔ edi, enyuŋ enam ataya ke idem mmɔ, kpukpru owo ke ɔkɔm ufɔk mmɔ, ye ke okure ufɔk Abasi, ye ke aŋwa inua-otop mmɔŋ, ye ke aŋwa inua-otop Ephraim.

NEHEMIAH 8:3

Ndien enye okot ke esit ke iso aŋwa emi odude ke iso inua-otop mmɔŋ, ɔtɔŋɔde ke usiere tutu osim ufɔt uwemeyo, ke iso iren-owo ye iban, ye mmɔ eke enyenede ibuot: ndien kpukpru owo ekpaŋ utɔŋ enɔ ŋwed mbet.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

LEVITICUS 9:5

Ndien mmɔ eda se Moses ɔkɔdɔhɔde edi ke iso efe esop:

MALACHI 4:4

Mbufo eti mbet Moses owo mi emi ŋketemede enye ke Horeb nnɔ ofuri Israel, kpa mme ewuhɔ ye mme item.

MATTHEW 13:52

Mmɔ ete Enye, Nnyin imɔfiɔk, Ɔbɔŋ. Edi Enye ɔdɔhɔ mmɔ ete, Kpukpru scribe ndien, emi enamde enye edi owo mbet ke Obio Ubɔŋ Heaven, ebiet enyene-ufɔk, eke osioŋode mbufa ŋkpɔ ye ŋkani ŋkpɔ ke ubet-unim-inyene esie.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MATTHEW 23:2

mme scribe ye mme Pharisee etie ke itie Moses:

MATTHEW 23:34

Mmɔdo sese, Ami mmosio mme prophet ye mme ɔfiɔk-ŋkpɔ owo ye mme scribe ndɔŋ ke ɔtɔ mbufo; mbufo eyewot, enyuŋ ekɔŋ ndusuk mmɔ ke cross; mbufo eyenyuŋ emia ndusuk mmɔ ke synagogue mbufo, enyuŋ ekɔbɔ ebine mmɔ ke obio ke obio:

DEUTERONOMY 31:11

ke adaŋemi ofuri Israel edide ediwut Jehovah Abasi fo idem, ke ebiet emi enye edimekde, da mbet emi kot ke iso ofuri Israel sin mmɔ ke utɔŋ.

JUDGES 20:1

EKEM kpukpru nditɔ Israel ewɔŋɔ, mbio-esop enyuŋ ebono nte owo kiet, ɔtɔŋɔde ke Dan tutu osim ke Beer-sheba, ye isɔŋ Gilead, etiene Jehovah ke Mizpah.

JUDGES 20:8

Ndien kpukpru owo edaha eda nte owo kiet, ete, Baba owo nnyin kiet idinyɔŋke tent nnyin, idinyuŋ iwahake ke ufɔk nnyin.