NEHEMIAH 7:3 - Edisana ñwed Abasi Ibom

³ ndien ndɔhɔ mmɔ, nte ekuberere usuŋ Jerusalem tutu eyo ɔsɔŋ; ndien adaŋemi mmɔ esuk edade do, yak eberi itim, enyuŋ ekɔbi: mmɔ enyuŋ enim ndusuk mbio Jerusalem, ete ekpeme, kpukpru owo ke itie ukpeme mmɔ, ye kpukpru owo ke iso esien mmɔ.

NEHEMIAH 7:3 ပူးပေါင်းရင်းမြစ်များ

NEHEMIAH 13:19

Edikem ke adaŋemi eyo ɔtɔŋɔde ndifuk owo idem ke inua-otop Jerusalem, ke mika-ikemke kaŋa ke sabbath, ndɔhɔ mmɔ, nte ekɔbi usuŋ, nnyuŋ ndɔhɔ nte, ekusio mmɔ tutu sabbath ebe: nnyun nnim ndusuk mkparawa mi, nte ese inua-otop, man mbiomo okuduk ke usen sabbath.

NEHEMIAH 3:23

Ndien Benjamin ye Hasshub ediana enye ediɔŋ ekem ye ufɔk mmɔ. Azariah eyen Maaseiah, eyen Ananiah, adiana enye ɔdiɔŋ ke mben ufɔk esie.

NEHEMIAH 7:2

Ndien ami ndɔhɔ Hanani eyenete mi, ye Hananiah etubom akwa ufɔk, nte ekara Jerusalem; (koro enye edide owo akpanikɔ, onyuŋ abakde Abasi akan ediwak owo):

NEHEMIAH 7:4

Ndien obio enyene ubom, onyuŋ okpon, edi mbio-obio iwakke ke esit, mmɔ ika-inyuŋ ibɔpke ufɔk.

ŊWED MME PSALM 127:1

KE mibɔhɔke Jehovah ɔbɔp ufɔk, mmɔ eke ebɔpde ekpa utom ikpikpu ke esit: ke mibɔhɔke Jehovah ekpeme obio, andikpeme ataba idap ikpi-kpu.

ŊWED MME PSALM 147:13

Koro enye anamde mme eto-usin-usuŋ fo esɔŋɔ; onyuŋ ɔdiɔŋ nditɔ fo ke ufɔt fo.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.