NEHEMIAH 6:6 - Edisana ñwed Abasi Ibom

⁶ ekewet ke esit, ete, Ke ekop ke otu mme idut, Gashmu onyuŋ ɔdɔhɔ, ete ke afo ye mme Jew ekere ndisɔŋ ibuot: oro esin afo ɔbɔp ibibene, afo onyuŋ akabare edi edidem mmɔ, kpa nte mme ikɔ emi esaŋade.

NEHEMIAH 6:6 ပူးပေါင်းရင်းမြစ်များ

EZRA 4:12

Yak edidem ɔfiɔk, ete ke mme Jew emi eketode ke edem fo etiene nnyin, emesim Jerusalem, ke enyuŋ ebɔp obio nsɔŋibuot ye idiɔk ido oro, emenyuŋ ema ibibene esie, enyuŋ ediɔŋ isɔŋ ibibene.

EZRA 4:15

man owo ɔduŋɔre ŋwed ŋkpɔ eyo mme usɔ; ndien afo eyekut ke ŋwed ŋkpɔ eyo oro, onyuŋ ɔfiɔk, ete ke obio emi edi obio nsɔŋibuot, onyuŋ abiat ŋkpɔ ndidem, ye eke mme province, mmɔ ekenyuŋ enam nsɔŋibuot ke esit toto ke eyo oko; oro esin ekebiatde obio emi.

NEHEMIAH 2:19

Ekem adaŋemi Sanballat Horonite oro, ye Tobiah ofin, eyen Ammon, ye Geshem Arabian, ekopde, mmɔ esak nnyin, enyuŋ esin nnyin ke ndek, ete Nsidi ŋkpɔ emi mbufo enamde? Nte mbufo eyom ndisɔŋ ibuot ye edidem?

NEHEMIAH 6:13

Mmɔdo ekenɔde enye ŋkpɔ, man ami ndikhe, nnyuŋ nnam ntem, nnyuŋ ndue, man edi idiɔk etop ye mmɔ, man mmɔ esuene mi.

NEHEMIAH 6:5

Ekem Sanballat ɔdɔŋ owo esie utom ikotion ke ɔtɔ, mi edidɔhɔ suk ikɔ emi, akama ŋwed ana iŋwaŋ ke ubɔk esie;

NEHEMIAH 6:7

Ndien ŋko afo omonim prophet, ete ekwɔrɔ ebaŋa fi ke Jerusalem, ete ke edidem mmɔdo ke Judah: ndien ke emi ke editiŋ enɔ edidem, nte ikɔ emi asaŋade. Yak nnyin isop idem ɔtɔ kiet, ndien ikere se ikpanamde.

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

LUKE 23:2

Mmɔ enyuŋ etɔŋɔ ndidori Enye ikɔ, ete, Nnyin imokut owo emi nte abiatde mbio-obio ibuot, akpan ete ekunɔ Caesar utomo, onyuŋ ɔdɔhɔ ete, Imo ke Idem Imɔ idi Christ Edidem.

JOHN 19:13

Ke adaŋemi Pilate okopde ikɔ emi, enye ada Jesus ɔwɔrɔ, onyuŋ ɔsuhɔre etetie ke itie-ikpe, ke ɔtɔ emi ekotde Isɔŋ-itiat, edi ekerede Gabbatha ke usem Hebrew.

ŊWED MBON ROME 3:8

nsinyuŋ ikpan nnyin ndinam idiɔk man ufɔn ɔwɔrɔ? (nte edoride nnyin ikɔ ke edem, ndusuk owo enyuŋ edɔhɔde ete ke nnyin itiŋ ntem). Mmɔ emi etiŋde ntem edot ubiom-ikpe.

2 ŊWED CORINTH 6:8

ke ini ukpono ye ke ini esuene, ke idiɔk etop eke esiode nnyin, ye ke eti etop; ebat nnyin ke owo abiaŋa, edi nnyin idi owo akpanikɔ;

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.