NEHEMIAH 6:2 - Edisana ñwed Abasi Ibom

² Ndien Sanballat ye Geshem edɔŋ edidɔhɔ mi ete, Di, nnyin isop idem ɔtɔ kiet ke obio ke itihere Ono. Edi mmɔ eduak ndinam mi idiɔk-ŋkpɔ.

NEHEMIAH 6:2 ပူးပေါင်းရင်းမြစ်များ

2 SAMUEL 20:9

Ndien Joab ɔdɔhɔ Amasa, ete, Mmɔkɔm fi, eyen-ete mi. Joab onyuŋ ada ubɔk nnasia omum Amasa ntaŋebek, ete itim enye inua.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

1 CHRONICLES 8:12

Nditɔ Elpaal; Eber, ye Misham, ye Shemed, emi ɔbɔpde Ono ye Lod, ye mme obio iŋwaŋ esie: ye Beriah ŋko,

NEHEMIAH 11:35

Lod, ye Ono, itihere mbon-usɔ.

NEHEMIAH 3:22

Ndien mme oku, mbon itihere Jordan, ediɔŋ ediana enye.

NEHEMIAH 6:3

Ndien ndɔŋ mme isuŋutom ke etɔ mmɔ, nte, Ami mmɔŋ nnam akamba utom, ndien ŋkwe nte nsuhɔrede: utom edinam didie odop, adaŋemi ami ŋkpɔŋde enye nsuhɔre ntiene mbufo?

ŊWED MME PSALM 12:2

Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

ŊWED MME PSALM 37:12

Idiɔk owo aduak idiɔk uduak abaŋa eti owo, onyuŋ ata edet ese enye.

ŊWED MME PSALM 37:32

Idiɔk owo etie ekpeme eti, onyuŋ oyom enye ndiwot.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

JEREMIAH 41:2

Ndien Ishmael eyen Nethaniah, ye owo duop oro edude ye enye, edaha ke enyɔŋ ekpi Gedaliah eyen Ahikam, eyen Shaphan, ke ofut, ewot enye, emi edidem Babylon okonimde ke etubom isɔŋ.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.