NEHEMIAH 5:5 - Edisana ñwed Abasi Ibom

⁵ Ndien ke emi obukidem nnyin ebiet obukidem nditɔ-ete nnyin, nditɔ nnyin enyuŋ etie nte nditɔ mmɔ: ndien sese, nnyin imɔsukhɔre nditɔ-iren nnyin ye nditɔ-iban nnyin inim ke ifin, ema enyuŋ esuhɔre ndusuk nditɔ-iban nnyin; ndien ubɔk nnyin inyeneke odudu; iŋwaŋ nnyin ye iŋwaŋ-vine nnyin enyuŋ enyene owo efen.

NEHEMIAH 5:5 ပူးပေါင်းရင်းမြစ်များ

GENESIS 29:14

Laban. Ndien Laban ɔdɔhɔ enye ete, Afo edi kpasuk ɔkpɔ mi, ye obuk mi. Ndien Jacob etie ye enye adaŋa ɔfiɔŋ kiet.

GENESIS 37:27

idip iyip esie? Nnyin ikam inyam enye inɔ mme Ishmaelite, ubɔk nnyin okunyuŋ otuk enye; koro enye edide eyen-ete nnyin, obuk-idem nnyin. Nditɔ-ete esie enyuŋ

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.

MME ŊKE 22:7

Enyene-ŋkpɔ akara mme anana-ŋkpɔ: owo eke ɔbuɔtde onyuŋ edi ofin owo eke ɔnɔde.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

MATTHEW 18:25

Edi sia owo oro minyeneke se adade osio isɔn, ete esie ɔnɔ uyo ete, enyam enye, ye ŋwan esie, ye nditɔ esie, ye kpukpru se enye enyenede, eda esio isɔn.