NEHEMIAH 5:13 - Edisana ñwed Abasi Ibom

¹³ Ndien nnyeŋe ikpanesit ɔfɔŋidem mi, nnyuŋ ndɔhɔ nte, Ntem ke Abasi edinyeŋe kpukpru owo eke midinamke ikɔ emi, osio ke ufɔk esie, ye ke ŋkpɔ-utom esie efep; ndien ntem ke edinyeŋe enye efep, enye eyenyuŋ edi ukpɔk. Ndien ofuri esop mmɔ edɔhɔ ete, Amen, enyuŋ etoro Jehovah. Kpukpru owo enyuŋ enam ke ikɔ emi.

NEHEMIAH 5:13 ပူးပေါင်းရင်းမြစ်များ

2 NDIDEM 23:3

Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

1 CHRONICLES 16:36

Mbufo ekɔm Jehovah Abasi Israel ke nsinsi nsinsi. Ndien kpukpru owo ebɔ, ete, Amen, enyuŋ etoro Jehovah.

NEHEMIAH 8:6

kpukpru owo edaha eda: ndien Ezra ɔkɔm Jehovah akwa Abasi. Kpukpru owo enyuŋ ebɔrɔ ete, Amen, Amen, enyuŋ emenere ubɔk mmɔ ke enyɔŋ: ndien mmɔ enuhɔ, enyuŋ etuak ibuot enɔ Jehovah, etuk iso ke isɔŋ.

ŊWED MME PSALM 119:106

Mmɔŋwɔŋɔ, nyenyuŋ nnim enye, nte ke ndikpeme ndinen ikpe fo.

ŊWED MME PSALM 50:14

Wa ekɔm nɔ Abasi;

ŊWED MME PSALM 76:11

Mbufo kpukpru emi ekande enye ekuk, ekaŋa akaŋa, enyuŋ esio enɔ Jehovah Abasi mbufo: yak mmɔ eda enɔ esɔk Enye emi ekpebakde.

MME ŊKE 28:4

Mmɔ eke ekpɔŋde ibet etoro mme idiɔk owo: edi mmɔ eke enimde ibet etɔhɔ ye mmɔ.

ECCLESIASTES 5:5

Ɔfɔn nte etrede ndikaŋa, akan nte akaŋade, ndien etre ndinɔ.

NUMBERS 5:22

Ntem ke mmɔŋ isuŋi emi ebe oduk fi ke nsia, man anam idibi ofut fi, onyuŋ anam ifuhi eyemere fi: ndien yak ŋwan oro ɔdɔhɔ ete, Amen, Amen.

MATTHEW 10:14

Owo ekededi eke minyimeke ndidara mbufo, nnyuŋ ŋkop ikɔ mbufo, ke ini mbufo ewɔŋɔde ke ufɔk me ke obio oro, ekeŋ ntan ikpat mbufo eduɔk.

UTOM MME APOSTLE 13:51

Edi mmɔ ekeŋ ntan ikpat mmɔ efep ndibiom mmɔ ikpe, enyuŋ edi ke Iconium.

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

1 ŊWED CORINTH 14:16

Koro edieke afo otorode Abasi ke spirit, owo eke mimeheke ye usem edinam didie ibɔrɔ ite Amen idian ye ekɔm fo, sia enye mifiɔkke se afo ɔdɔhɔde?

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.