NEHEMIAH 4:7 - Edisana ñwed Abasi Ibom

⁷ Edikem adaŋemi Sanballat, ye Tobiah, ye mme Arabian, ye mme Ammonite, ye mme Ashdodite, ekopde ete ke ediɔŋ ibibene Jerusalem eka iso, ke etɔŋɔ ndisiri ŋwure, ndien esit ayat mmɔ eti-eti.

NEHEMIAH 4:7 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

2 CHRONICLES 20:1

EDIKEM ke ŋkpɔ emi ema ekebe, nditɔ Moab, ye nditɔ Ammon, ye ubak mme Meunim ŋko edi ndiŋwana ekɔŋ ye Jehoshaphat.

EZRA 5:8

Yak edidem ɔfiɔk, ete ke nnyin ima ika ke province Judah, isim ufɔk akwa Abasi, ndien mmɔ ebɔp enye ke ikpɔ itiat, enyuŋ edori eto ke ibibene, mmɔ enyuŋ esin idem enam utom emi, utom onyuŋ aka iso ke ubɔk mmɔ.

NEHEMIAH 2:10

Ekem adaŋemi Sanballat Horonite, ye Tobiah ofin oro, Ammonite, ekopde, mmɔ ese enye ke ata idiɔk-ŋkpɔ eti-eti, koro owo edide ndiyom mfɔn nditɔ Israel.

NEHEMIAH 2:19

Ekem adaŋemi Sanballat Horonite oro, ye Tobiah ofin, eyen Ammon, ye Geshem Arabian, ekopde, mmɔ esak nnyin, enyuŋ esin nnyin ke ndek, ete Nsidi ŋkpɔ emi mbufo enamde? Nte mbufo eyom ndisɔŋ ibuot ye edidem?

NEHEMIAH 4:1

EDIKEM adaŋemi Sanballat okopde ete ke nnyin imediɔŋ ibibene, enye ayat esit, onyuŋ akpaha esit eti-eti, onyuŋ asak mme Jew.

NEHEMIAH 4:6

Ntem ke nnyin idiɔŋ ibibene; inyuŋ idian ofuri ibibene tutu osim ke ufɔt esie; koro esit kpukpru owo odude ke utom.

NEHEMIAH 4:8

Ndien kpukpru mmɔ ediomi kiet ye eken, ete ika ikaŋwana ye Jerusalem, inyuŋ inam enye idiɔk-ŋkpɔ.

NEHEMIAH 6:16

Edikem adaŋemi kpukpru mme asua nnyin ekopde, adaŋemi kpukpru mme idut eke ekande nnyin ekuk ekutde ŋko, mmɔ esuhɔre eti-eti ke enyin idem mmɔ; ndien mmɔ efiɔk ete ke edi Abasi nnyin esin enam utom emi.

JEREMIAH 25:20

ye kpukpru mbuaha owo, ye kpukpru ndidem isɔŋ Uz, ye kpukpru ndidem isɔŋ mme Philistine, ye Ashkelon, ye Gaza, ye Ekron, ye ubak Ashdod emi ɔsuhɔde;

JEREMIAH 41:10

Ndien Ishmael ataŋ kpukpru owo oro esuhɔde ke Mizpah, nditɔ edidem iban, ye kpukpru owo oro esuhɔde ke Mizpha, mmɔ oro Nebuzaradan etubom mbon ukpeme edidem ekesinde Gedaliah eyen Ahikam ke ubɔk: ndien Ishmael eyen Nethaniah ataŋ mmɔ ɔnyɔŋ, ndien aka, ete ibe inyɔŋ ke ɔtɔ mme Ammonite.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

AMOS 1:8

Nyenyuŋ nsibe andiduŋ Ashdod, ye andikama mmɔnyɔ ke Ashkelon mfep, nnyuŋ ndori ubɔk mi ke Ekron: ndien mme Philistine emi esuhɔde eyetak. Ntem ke Ɔbɔŋ Jehovah ɔdɔhɔ.

AMOS 3:9

Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.

UTOM MME APOSTLE 5:33

Edi ke ini mmɔ ekopde ikɔ emi, esit ofut mmɔ eti-eti, mmɔ enyuŋ eyom ndiwot mmɔ oro.

ERIYARARE 12:17

Ndien dragon ayat esit ye ŋwan, onyuŋ adaha ndiŋwana ekɔŋ ye nditɔ esie emi esuhɔde emi enimde mme item Abasi, enyuŋ eyirede emum ikɔ-ntiense Jesus ekama.

1 SAMUEL 11:2

Ndien Nahash eyen Ammon ɔbɔrɔ mmɔ, ete, Ntem ke ndinyime ndinam ediomi ye mbufo, mma ntibi mbufo kpukpru enyin nnasia, nnyuŋ nda enye ndori ofuri Israel ke esuene.