NEHEMIAH 3:1 - Edisana ñwed Abasi Ibom

¹ NDIEN Eliashib akamba oku, ye nditɔ-ete esie, mme oku, edaha ke enyɔŋ ebɔp inua-otop ŋkpri ufene; mmɔ enim enye enɔ Abasi, enyuŋ ekɔŋ itim esie, enyuŋ enim enye enɔ Abasi tutu osim ke tower Hammeah, ye ke tower Hananel.

NEHEMIAH 3:1 ပူးပေါင်းရင်းမြစ်များ

NEHEMIAH 12:10

Ndien Jeshua obon Joiakim, Joiakim onyuŋ obon Eliashib, Eliashib onyuŋ obon Joiada,

NEHEMIAH 12:30

Ndien mme oku ye mme Levite enam idem mmɔ esana, enyuŋ enam mbio-obio, ye inua-otop, ye ibibene oro, esana.

NEHEMIAH 12:39

ye ke edem inua-otop Ephraim enyɔŋ-enyɔŋ tutu osim ke enyɔŋ akani inua-otop, ye ke enyɔŋ inua-otop iyak, ye tower Hananel, ye tower Hammeah, tutu osim ke inua-otop ŋkpri ufene: ekem mmɔ etuak eda ke inua-otop ufɔk-ukwak.

NEHEMIAH 13:28

Ndien eyen Joiada, eyen Eliashib akamba oku, kiet okokoro ukot ye Sanballat Horonite: mmɔdo mbinde enye ke idem mi mfep.

NEHEMIAH 13:4

Edi ini emi ekebemde ini emi iso, Eliashib oku, emi edide etubom mme ubet ufɔk Abasi nnyin, akamana iman ye Tobiah:

NEHEMIAH 3:20

Baruch eyen Zabbai esin idem ɔdiɔŋ ubak efen ɔtɔŋɔde ke inuk tutu osim enyn-usuŋ ufɔk Eliashib, ɔbɔŋ oku.

NEHEMIAH 3:21

Meremoth eyen Uriah, eyen Hak-koz, adiana enye ɔdiɔŋ ubak efen, ɔtɔŋɔde ke enyin-usuŋ ufɔk Eliashib, tutu osim ke utit ufɔk Eliashib.

NEHEMIAH 3:32

Ndien mbon-usɔ-gold, ye mbon urua ediɔŋ ufaŋ usuŋ emi edɔkde ke inuk ye inua-otop ŋkpri ufene.

NEHEMIAH 6:1

EDIKEM adaŋemi Sanballat, ye Tobiah, ye Geshem Arabian, ye mme asua nnyin efen, ekopde ete ke mmɔbɔp ibibene, ke ŋwure inyuŋ isuhɔke ke esit; (okposuk edi nte mme ŋkaŋkɔŋke itim ke inua-otop ke ini oro).

NEHEMIAH 7:1

EDIKEM adaŋemi ema ekediɔŋ ibibene ema, ami mma nnyuŋ ŋkɔŋ itim, ema enyuŋ etim ŋka mme itie-usuŋ, ye eke mme ɔkwɔ-ikwɔ ye eke mme Levite.

ŊWED MME PSALM 30:1

NYEKPONO fi, O Jehovah; koro afo emenerede mi onim ke enyɔŋ; ndien muyakke mme asua mi edat esit ebaŋa mi.

ŊWED MME PSALM 48:12

Mbufo ekanare Zion, esaŋa ekan enye ekuk: ebat mme tower esie.

MME ŊKE 3:6

Diɔŋɔ enye ke kpukpru usuŋ fo, ndien enye eyeneŋere usuŋ fo onim.

MME ŊKE 3:9

Kpono Jehovah ke inyene fo, ye ke akpa ubak kpukpru mbuŋwum fo:

JEREMIAH 31:38

Jehovah ɔdɔhɔ ete, Sese, mme usen ke edi eke mmɔ edibɔpde obio enɔ Jehovah, ɔtɔŋɔde ke edikoŋ ufɔk Hananel tutu osim ke inua-otop inuk.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

ZECHARIAH 14:10

Ofuri isɔŋ eyekabare ebiet una-isɔŋ ɔtɔŋɔde ke Geba tutu osim ke Rimmon, ke edem usuk Jerusalem: enye (Jerusalem) eye-nyuŋ okoŋ, ndien eyeduŋ enye ke itie esie, ɔtɔŋɔde ke inua-otop Benjamin, tutu osim ɔtɔ akpa inua-otop, tutu osim ke inua-otop inuk, onyuŋ ɔtɔŋɔde ke tower Hananel tutu osim ɔtɔ unim wine edidem.

JOHN 5:2

Edi mkpɔdiɔhɔ-mmɔŋ odu do ke Jerusalem, ekpere inua-otop erɔŋ; ekot enye ke usem Hebrew ete, Bethesda; inua-otop ition enyuŋ edu ke esit.

DEUTERONOMY 20:5

Ndien yak mme andidaha edɔhɔ ye kpukpru owo, ete, Anie owo odu mi emi ɔkɔbɔpde ɔbufa ufɔk, ndien mika-iberekede usuŋ ufɔk? Yak enye afiak ɔnyɔŋ ke ufɔk esie, mbak enye edikpa ke ekɔŋ, ndien owo efen edika ekeberede usuŋ ufɔk.