NEHEMIAH 2:5 - Edisana ñwed Abasi Ibom

⁵ Ndien ndɔhɔ edidem, nte, Edieke edidem amade, owo fo onyuŋ enemde fi, nte afo ɔkpɔdɔŋ mi utom ke Judah, ke obio udi mme ete mi, man ndiɔŋ enye.

NEHEMIAH 2:5 ပူးပေါင်းရင်းမြစ်များ

2 SAMUEL 14:22

Ndien Joab ɔduɔ ke isɔŋ okubi iso esie, onyuŋ atuak ibuot, onyuŋ ɔkɔm edidem: ndien Joab ɔdɔhɔ ete, Mfin emi ke owo fo ɔfiɔk ete ke afo amama mi, ɔbɔŋ mi, O edidem, koro edidem amanam ke uyo owo esie.

EZRA 5:17

Mmɔdo edieke edidem amade, yak eduŋɔre ufɔk ŋkpɔ-uto edidem, emi odude do ke Babylon, mme edi ntre, ete ke Cyrus okowuk ewuhɔ, ete ebɔp ufɔk Abasi emi odude ke Jerusalem, ndien yak edidem asian nnyin se enye amade abaŋa ŋkpɔ emi”.

NEHEMIAH 2:4

Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

NEHEMIAH 2:6

Ndien edidem ɔdɔhɔ mi (ŋwan esie etie enye ke ŋkaŋ) ete, Isaŋ fo edidi adaŋa didie? Afo edinyuŋ afiak ini ewe? Ndien ŋkpɔ enem edidem esit, ndien enye ɔdɔŋ mi utom; ami nnyuŋ nnim ini nnɔ enye.

ESTHER 1:19

Ndien but ye iyaresit eyewak. Edieke enemde edidem, yak ewuhɔ edidem ɔwɔrɔ enye ke iso, enyuŋ ewet enye esin ke otu mme ewuhɔ Persia ye Media, man okubiara, ete, Yak Vashti okudi aba ke iso edidem Ahasuerus; ndien yak edidem ada itie ɔbɔŋ-aŋwan esie ɔnɔ mbɔhiduŋ esie eke ɔfɔnde akan enye.

ESTHER 5:8

edieke mfɔnde edidem ke enyin, edidem ama onyuŋ ama ndinɔ ebeŋe mi, nnyuŋ nnam ke mkpe-ubɔk mi, yak edidem ye Haman edi udia emi ndinamde nnɔ mmɔ, ndien mkpɔŋ nyenam ke uyo edidem.

ESTHER 7:3

Ndien Esther ɔbɔŋ-aŋwan ɔbɔrɔ, ete, Edieke mfɔnde fi ke enyin, O edidem, edidem ama onyuŋ ama, yak enɔ mi uwem mi ke ebeŋe mi, ye eke oruk mi ke mkpe-ubɔk mi?

ESTHER 8:5

Ntre ke Esther adaha ada ke iso edidem, onyuŋ ɔdɔhɔ ete, Edieke edidem esede ete ke ɔfɔn, ami nnyuŋ nnemde enye esit, ikɔ emi onyuŋ enende ke iso edidem, ami nnyuŋ mfɔnde enye ke enyin, yak ewet ete ekpuhɔre ŋwed oro Haman, eyen Hamme-datha, Agagite, okotibide, emi enye ekewetde, ete isobo mme Jew emi edude ke kpukpru mme province edidem:

MME ŊKE 3:4

Ndien afo eyekut ima ye mfɔniso ke iso Abasi ye ke iso owo.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

MATTHEW 23:27

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ebietde udi eke eyetde ndom, eke eyede ndise edem-edem, edi ke esit-esit eyɔhɔde ye mme okpo mme akpa-mkpa ye kpukpru ndek.

RUTH 2:13

Ndien enye (Ruth) ɔdɔhɔ ete, Nen iso ye ami, ɔbɔŋ mi: koro afo ɔmɔdɔŋ mi esit, omonyuŋ ɔdɔhɔ eti ikɔ ye eyen fo ŋwan, okposuk edi nte ami mmentiehe nte owo kiet ke otu nditɔ fɔ iban.