NEHEMIAH 2:4 - Edisana ñwed Abasi Ibom

⁴ Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

NEHEMIAH 2:4 ပူးပေါင်းရင်းမြစ်များ

2 SAMUEL 15:31

Ekem owo etiŋ ɔnɔ David, ete ke Ahithophel odu ke otu mbon-odu ye Absalom. Ndien David ɔdɔhɔ ete, O Jehovah, mbɔk, nam item Ahithophel akabare edi ndisime.

1 NDIDEM 3:5

Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

NEHEMIAH 2:20

Ndien ami mbɔrɔ mmɔ ikɔ, nnyuŋ ndɔhɔ mmɔ, nte, Abasi enyɔŋ eyenɔ nnyin unen: ndien nnyin ikɔt esie iyedaha ke enyɔŋ, inyuŋ ibɔp: edi mbufo inyeneke udeme, ye itie, ye ŋkpɔ eriti ke Jerusalem.

NEHEMIAH 2:5

Ndien ndɔhɔ edidem, nte, Edieke edidem amade, owo fo onyuŋ enemde fi, nte afo ɔkpɔdɔŋ mi utom ke Judah, ke obio udi mme ete mi, man ndiɔŋ enye.

ESTHER 5:3

Ndien edidem ɔdɔhɔ enye, ete, Nsitibe ye afo, Esther ɔbɔŋ-aŋwan? Afo onyuŋ oyom nso? Eyenɔ fi, ekpedi idem ubak edem kiet ubɔŋ.

ESTHER 5:6

Ekem ke ini uŋwɔŋ wine edidem obup Esther, ete, Afo ebeŋe nso? Ke eyenɔ fi. Afo onyuŋ oyom nso? Ke eyenam, ekpedi idem ubak edem kiet ubɔŋ.

ESTHER 7:2

Ndien ke udiana-akpa usen ŋko, edidem ɔdɔhɔ Esther, ke itie uŋwɔŋ wine, ete, Nsidi ebeŋe fo, O Esther, ɔbɔŋ-aŋwan, ndien eyenɔ fi? Nsinyuŋ idi mkpe-ubɔk fo; ndien eyenam, ekpedi idem ofuri ubak edem kiet ubɔŋ?

ŊWED MME PSALM 136:26

Oh mbufo ekɔm Abasi enyɔŋ: koro ima esie odude ke nsinsi.

MME ŊKE 3:6

Diɔŋɔ enye ke kpukpru usuŋ fo, ndien enye eyeneŋere usuŋ fo onim.

MARK 10:51

Jesus ɔbɔrɔ enye ete, Oyom ete nnam nso nnɔ fi? Nnan oro ete Enye, Rabboni, nyom nditɔŋɔ ntak ŋkut usuŋ.

UTOM MME APOSTLE 23:19

Ndien akamba etubom omum akparawa oro ke ubɔk, esehere ada obup enye ndibe-ndibe, ete, Nso ke enyene nditiŋ nnɔ mi?

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.