NEHEMIAH 2:20 - Edisana ñwed Abasi Ibom

²⁰ Ndien ami mbɔrɔ mmɔ ikɔ, nnyuŋ ndɔhɔ mmɔ, nte, Abasi enyɔŋ eyenɔ nnyin unen: ndien nnyin ikɔt esie iyedaha ke enyɔŋ, inyuŋ ibɔp: edi mbufo inyeneke udeme, ye itie, ye ŋkpɔ eriti ke Jerusalem.

NEHEMIAH 2:20 ပူးပေါင်းရင်းမြစ်များ

2 CHRONICLES 26:5

Ndien enye etiene Abasi ke eyo Zechariah, emi ekenyenede ifiɔk ŋkukut Abasi: ndien adaŋa ini nte enye etienede Jehovah, Abasi ofori enye.

EZRA 4:3

Edi Zerubbabel, ye Jeshua, mme etubom mme ete Israel emi esuhɔde, edɔhɔ mmɔ, ete, mbufo isaŋake ye nyin ke eribɔp ufɔk nnɔ Abasi nnyin; edi nnyin ke idem nnyin iyebɔp inɔ Jehovah Abasi Israel, kpa nte edidem Cyrus, edidem Persia, okowukde nnyin.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

NEHEMIAH 2:4

Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

ESTHER 4:11

Ofuri ikɔt edidem, ye mbio mme province edidem efɔfiɔk ete ke owo ekededi, edide eren, onyuŋ edide ŋwan, eke odukde ke ɔtɔ edidem, ke okure esit ufɔk, eke mikotke enye, enyene ewuhɔ esie kiet, ete ewot enye, ke mibɔhɔke owo eke edidem edinyande mmɔnyɔ o-gold ɔnɔ enye, ndien enye odu uwem; edi ikokotke mi nduk ke ɔtɔ edidem, ke ofuri usen edip ye duop emi.

ŊWED MME PSALM 102:17

Enye amakabare ese akam eyen ubuene, inyuŋ isinke akam mmɔ ke ndek.

ŊWED MME PSALM 122:6

Mbufo enam mkpeubɔk eyom ifure Jerusalem: mmɔ eke emade fi eyetie ke ifure.

ŊWED MME PSALM 20:5

Nnyin iyedara erinyaŋa fo, inyuŋ imenere banner nnyin ke enyiŋ Abasi nnyin: yak Jehovah osuk anam kpukpru se afo ebeŋede.

ŊWED MME PSALM 35:27

Yak mmɔ eke emade edinen ikɔ mi ekwɔ enyuŋ edara; yak mmɔ enyuŋ edɔhɔ kpukpru ini, ete, Yak ekpono Jehovah, emi amade ifure owo esie.

ŊWED MME PSALM 51:18

Fɔn ido ye Zion ke ima fo: diɔŋ ibibene Jerusalem.

EXODUS 28:29

Ndien Aaron eyebiom enyiŋ nditɔ Israel ke mbana-ikpanesit-ikpe ke esit esie, ke ini enye odukde ke edisana ebiet, man edi ŋkpɔ eriti ke iso Jehovah kpukpru ini.

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

ISAIAH 56:5

Nyeda ŋkpɔ eriti ye enyiŋ eke efɔnde ekan eke nditɔ-iren ye nditɔ-iban, nnɔ mmɔ ke ufɔk mi, ye ke esit ibibene mi: nyenɔ mmɔ nsinsi-enyiŋ eke midisibeke ifep.

LEVITICUS 2:2

ndien ada enye ɔsɔk nditɔ Aaron, mme oku: ndien yak enye owobi ndom ubɔk esie kiet, ye aran esie, ye kpukpru frankincense esie; ndien yak oku osio ubak-eriti esie, ɔfɔp ke itie-uwa, uwa ikaŋ, edinem utebe, ɔnɔ Jehovah.

LEVITICUS 24:7

Nyuŋ da edisana frankincense dori ke udim, man odoro ke uyo nte ŋkpɔ eriti, uwa ikaŋ Jehovah.

ZECHARIAH 6:14

Ndien Helem ye Tobijah ye Jedaiah ye Hen, eyen Zephaniah, eyeda mme anyanya emi ke ŋkpɔ eriti ke temple Jehovah.

NUMBERS 10:10

Ndien ŋko ke usen idara mbufo, ye ke ini usɔrɔ mbufo, ye ke iso ɔfiɔŋ mbufo, mbufo eda ukorowo efuri ebaŋa edifɔp uwa mbufo, ye mme uwa emem mbufo: man mmɔ edi ŋkpɔ eriti mbufo ke iso Abasi mbufo. Ami ndi Jehovah Abasi mbufo.

UTOM MME APOSTLE 10:31

Cornelius, ema ekop akam fo, enyuŋ eti ŋkpɔ mfɔn eke ɔnɔde mme ubuene ke iso Abasi.

UTOM MME APOSTLE 10:4

Edi ke ini enye owukde enyin ese angel, ndik anam enye, enye onyuŋ ɔdɔhɔ ete, Nso, Ɔbɔŋ? Edi angel ɔdɔhɔ enye ete, Mkpe-ubɔk fo ye ŋkpɔ-mfɔn eke ɔnɔde mme ubuene ema edɔk edi ke iso Abasi, nte ŋkpɔ eke Enye adade eti fi.

UTOM MME APOSTLE 8:21

Afo unyeneke udeme ye nsaŋa ke ŋkpɔ emi: koro esit fo minenke ke iso Abasi.