NEHEMIAH 2:17 - Edisana ñwed Abasi Ibom

¹⁷ Ndien ndɔhɔ mmɔ, nte, Mbufo emekut idiɔk itie emi nnyin itiede ke esit, nte Jerusalem anade ndon, nte mme itim esie enyuŋ etade ikaŋ: mbufo edi, nnyin idiɔŋ ibibene Jerusalem, man nnyin ikudi aba ŋkpɔ but.

NEHEMIAH 2:17 ပူးပေါင်းရင်းမြစ်များ

EZRA 9:9

Koro nnyin idide ifin; edi Abasi nnyin ikɔkpɔŋke nnyin ke itie ufin nnyin, edi ama anyan ubɔk ɔnɔ nnyin ke iso ndidem Persia, onyuŋ edemere nnyin, man ineŋere ufɔk Abasi nnyin, inyuŋ idiɔŋ ŋwure esie, man enye onyuŋ ɔnɔ nnyin ibibene ke Judah, ye ke Jerusalem.

NEHEMIAH 1:3

Ndien mmɔ edɔhɔ mi, ete, Mme mmɔ oro eketode ke itie ntaŋ-mfep esuhɔ ko ke province, ke etie ke akwa ukut, ye ke esuene: ibibene Jerusalem onyuŋ owure, itim esie ema enyuŋ eta ikaŋ.

NEHEMIAH 2:13

Ndien nsaŋa ke okoneyo ke inua-otop ebedeŋ ŋwɔrɔ ŋka ke iso obube mmɔŋ dragon, ye ke inua-otop ifum, ndien ntim nse ibibene Jerusalem emi owurede, mme itim esie enyuŋ eta ikaŋ.

NEHEMIAH 2:16

Ndien mbɔŋ obio ifiɔkke ebiet eke ŋkade, ye ŋkpɔ eke nnamde: ŋkonyuŋ ntiŋke nnɔ mme Jew, ye mme oku, ye ikpɔ owo, ye mbɔŋ, ye mmɔ efen eke enamde utom, tutu osim ini emi.

NEHEMIAH 3:15

Edi Shallun eyen Col-hozeh, etubom ubak Mizpah, ɔdiɔŋ inua-otop idim; enye ɔbɔp enye, onyuŋ okubi enye, onyuŋ ɔkɔŋ itim esie, ye locks esie, ye usin-usuŋ esie, ye ibibene mkpɔdiɔhɔ-mmɔŋ Shelah tutu osim iŋwaŋ-esa edidem, udigukot emi otode ke obio David ɔsuhɔre.

ŊWED MME PSALM 102:15

Ndien mme idut eyefehe enyiŋ Jehovah, kpukpru ndidem ererimbot eyenyuŋ ebak ubɔŋ fo.

ŊWED MME PSALM 44:13

Onim nnyin ke ŋkpɔ nsahi mbɔhɔ-iduŋ nnyin, ye ke se mmɔ eke ekande nnyin ekuk, esuenede enyuŋ esakde.

ŊWED MME PSALM 44:14

Afo onim nnyin ke ufiet ke otu mme idut, ye se mme obio eyipde ibuot.

ŊWED MME PSALM 79:12

Ndien da esuene emi mbɔhɔiduŋ nnyin esuenede fi, Ɔbɔŋ, yak nɔ mmɔ ke ikpanesit utim ikatiaba.

ŊWED MME PSALM 79:4

Nnyin imakabare idi se mbɔhiduŋ nnyin esuenede, ye se mmɔ emi ekande nnyin ekuk, esakde, enyuŋ esede ke ndek.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

ŊWED ESEME 3:51

Enyin mi otuk mi ukpɔŋ abaŋa kpukpru nditɔ-iban obio mi.

EZEKIEL 5:14

Nyenyuŋ nda fi nnim ke ŋkpɔ nsobo ye ŋkpɔ esuene ke otu mme idut emi ekande fi ekuk, ke enyin kpukpru owo eke esaŋade ebe.

MICAH 7:11

Ke usen eke edidiɔŋde ibibene fo, ke usen oro ke edinam adaŋa (fo) okpon.

1 SAMUEL 11:2

Ndien Nahash eyen Ammon ɔbɔrɔ mmɔ, ete, Ntem ke ndinyime ndinam ediomi ye mbufo, mma ntibi mbufo kpukpru enyin nnasia, nnyuŋ nda enye ndori ofuri Israel ke esuene.