NEHEMIAH 13:22 - Edisana ñwed Abasi Ibom

²² Ndien ndɔhɔ mme Levite, nte enam idem mmɔ esana, ndien edi edikpere inua-otop, man etim enim usen sabbath. Ti mi, O Abasi mi, baŋa ŋkpɔ emi ŋko, nyuŋ tua mi mbɔm ke akwa ima fo.

NEHEMIAH 13:22 ပူးပေါင်းရင်းမြစ်များ

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

2 NDIDEM 23:4

Ndien edidem owuk Hilkiah akwa oku, ye mme oku udiana-akpa udim, ye mme andikpeme enyin-usuŋ, ete esio kpukpru mkpoduoho oro ekenamde enɔ Baal, ye Asherah, ye ofuri udim enyɔŋ, ke ufɔk Jehovah efep: ndien enye ɔfɔp mmɔ ke edem Jerusalem ke iŋwaŋ Kidron, ndien ada ntɔŋ mmɔ aka ke Beth-el

2 CHRONICLES 29:24

ndien mme oku ewot mmɔ, enyuŋ eda iyip mmɔ esime ke itie-uwa ebaŋa mme idiɔk ido, man esio isop enɔ ofuri Israel: koro edidem ɔdɔhɔde, ete ke edifɔp uwa ye uwa idiɔk ido ebaŋa ofuri Israel.

2 CHRONICLES 29:27

Ndien Hezekiah ɔdɔhɔ mmɔ, ete ewa edifɔp uwa ke itie-uwa. Ndien ke ini edifɔp uwa ɔtɔŋɔde, ikwɔ Jehovah onyuŋ ɔtɔŋɔ, ye mme ukorowo, esaŋa ye ŋkpɔ-mbre David edidem Israel.

2 CHRONICLES 29:30

Ndien Hezekiah edidem ye mme etubom edɔhɔ mme Levite, ete eda ikɔ David, ye eke Asaph okutŋkukut, etoro Jehovah. Ndien mmɔ etoro ke idaresit, enyuŋ enuhɔ, enyuŋ etuak ibuot.

NEHEMIAH 12:10

Ndien Jeshua obon Joiakim, Joiakim onyuŋ obon Eliashib, Eliashib onyuŋ obon Joiada,

NEHEMIAH 12:30

Ndien mme oku ye mme Levite enam idem mmɔ esana, enyuŋ enam mbio-obio, ye inua-otop, ye ibibene oro, esana.

NEHEMIAH 13:14

O Abasi mi, ti mi baŋa ŋkpɔ emi, kunyuŋ usɔhi mfɔnido mi emi ŋkanamde ye ufɔk Abasi mi, ye mme utom esie ufep.

NEHEMIAH 13:31

ye ke eke enɔ ifia ke ini eke ekedoride, ye ke akpa mfri. O Abasi mi, ti mi ke mfɔn.

NEHEMIAH 5:19

O Abasi mi, ke mfɔn ti mi ke kpukpru se ŋkanamde ye mbio emi.

ŊWED MME PSALM 130:7

Israel, dori enyin ye Jehovah; koro ima odude ye Jehovah; ediwak ufak onyuŋ odu ye enye.

ŊWED MME PSALM 5:7

Edi ama edi ami, nyeduk ke ufɔk fo ke uwak ima fo; nyeda uteŋe fo ntuak ibuot nse edisana temple fo.

ŊWED MME PSALM 51:1

O ABASI, tua mi mbɔm, nte ima fo edide: sɔhi ndudue mi fep ke ediwak mbɔm fo.

ISAIAH 38:3

Ndien enye ɔdɔhɔ ete, Mbɔk, mbɔk, Jehovah, mbɔk, ti nte nsaŋade ke iso fo ke akpanikɔ ye ke ofuri esit, nyuŋ nam se ifɔnde fi ke enyin; ndien Hezekiah atua eyet eti-eti.

ISAIAH 49:23

Ndien ndidem eyedi mme andikɔ fi, iban mmɔ eyenyuŋ enɔ fi eba: mmɔ eyetuk iso ke isɔŋ enɔ fi, enyuŋ edei ɔkɔp ukot fo; ndien afo eyefiɔk ete ke ami ndi Jehovah, emi but midinamke mmɔ eke eberede idem ye ami.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

DEUTERONOMY 5:12

Kpeme usen sabbath, nyuŋ nim enye ke edisana, kpa nte Jehovah Abasi fo okowukde fi.