NEHEMIAH 12:30 - Edisana ñwed Abasi Ibom

³⁰ Ndien mme oku ye mme Levite enam idem mmɔ esana, enyuŋ enam mbio-obio, ye inua-otop, ye ibibene oro, esana.

NEHEMIAH 12:30 ပူးပေါင်းရင်းမြစ်များ

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

1 CHRONICLES 15:14

Ndien mme oku ye mme Levite enam idem mmɔ esana, man eda ekebe Jehovah Abasi Israel edɔk.

2 CHRONICLES 29:34

Edi mme oku iwakke, ndien mmɔ ikwe nte esioŋode kpukpru edifɔp uwa ikpa efep: ndien nditɔ-ete mmɔ, mme Levite, ebɔ mmɔ ubɔk utom, tutu ema utom oro, tutu mme oku enyuŋ enam idem mmɔ esana: koro mme Levite enende ke esit ekan mme oku, ke erinam idem mmɔ esana.

2 CHRONICLES 29:5

ndien ɔdɔhɔ mmɔ, ete, Mbufo mme Levite ekop uyo mi, enam ndien idem mbufo esana, enyuŋ enam ufɔk Jehovah Abasi mme ete mbufo asana, enyuŋ esio ɔkɔp ke edisana ebiet efep.

EZRA 6:21

Ndien nditɔ Israel oro eketode ke itie ntaŋmfep efiak edi, ye kpukpru mmɔ eke ekedianarede idem mmɔ efep ke mbubiam ido mbon idut oro, ediana ye mmɔ eyom Jehovah Abasi Israel, edia,

NEHEMIAH 12:29

enyuŋ eto ke Beth-gilgal, ye ke iŋwaŋ Geba, ye Azmaveth: koro mme ɔkwɔ-ikwɔ ekebɔpde obio ke idem mmɔ ekan Jerusalem ekuk.

NEHEMIAH 13:22

Ndien ndɔhɔ mme Levite, nte enam idem mmɔ esana, ndien edi edikpere inua-otop, man etim enim usen sabbath. Ti mi, O Abasi mi, baŋa ŋkpɔ emi ŋko, nyuŋ tua mi mbɔm ke akwa ima fo.

NEHEMIAH 13:30

Ntre ke nsioŋo kpukpru isen owo mfep, nnam mmɔ (eken) esana, nnyuŋ nda ŋka mme oku, ye eke mme Levite, nnim ke itie-ukpeme, kpukpru owo kiet kiet ke itie utom mmɔ:

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

EXODUS 19:15

Enye onyuŋ ɔdɔhɔ mmɔ, ete, Mbufo etim idem ebeŋe okut; ekutiene ŋwan.

MME HEBREW 5:1

KORO ke ememek kpukpru akwa oku, eke esiode ke otu owo enim enɔ owo kabaŋa ŋkpɔ Abasi, man enye emen enɔ ɔsɔk Abasi, onyuŋ awa uwa kabaŋa mme idiɔk-ŋkpɔ;

MME HEBREW 5:3

Ndien oto ke ntak emi, ana ɔnɔ enye ndiwa uwa idiɔk-ŋkpɔ mbaŋa idem esie, kpa nte enye awade abaŋa mbio-obio.